சுதர்மம்

கீபோர்ட்-ல் எந்த கீ பழுதானாலும் நாம் தட்டச்சு செய்யலாம்.

2010-09-02T23:42:00.000+05:30

கடந்த ஆகஸ்ட் 24 அன்று நமது தொழில்நுட்ப பதிவர் "விண்மணி" அவர்களின் பதிவான

கீபோர்ட்-ல் எந்த கீ பழுதானாலும் நாம் தட்டச்சு செய்யலாம். பதிவை எங்கள் அலுவலகத்தில் உள்ள நண்பர்களுடன் பகிர்ந்து கொண்டபொழுது, எங்க போனாலும் ஒரு அக்கப்போர் ஒன்னு இருக்கும் இல்ல அதுபோல நமது நண்பர் அரவிந்த் அந்த OSK விசைகள் (keys) வேலை செய்யலைன்னா என்ன செய்வீங்க? அப்பிடீன்னு கேட்டாரு.

கேள்வி நல்ல கேள்விதான். பதில் சொல்லணும் இல்ல.
அதான் நமக்கு தெரிஞ்சத அவருக்கும் சொல்லி ஒரு பதிவாவும் போட்டா நாலு பேருக்கு பயண்படலாமே அப்பிடீன்னுதான்.

விசைப்பலகையில உள்ள விசைகள் எல்லாமெ ஒரு ஆஸ்கி (ascii - American standard code for information interchange) மதிப்புலதான் வேலை செய்யுது. அதன் படி ஒவ்வொரு ஆஸ்கி மதிப்புக்கும் ஒரு விசை வேலை செய்யும். 255 விசைகள் இப்படி விசப்பலகையில் உள்ளீடா அமைக்கப்பட்டிருக்கு. எண் வரிசப்படி ஒவ்வொரு எண்ணும் ஒரு ஆஸ்கியோட இணைந்து அதன் வெளியீடா நம்ம விசப்பலகை மூலம் வெளிபாடுது. அந்த வகையிலதான்
கீழே இருக்க அட்டவணையும் இருக்கு உபயொகப்படுத்திப்பாருங்க.... பயனுள்ளதாஇருக்கும்னு நம்புவோம்.

Press ALT + below key for

Key	Value	Key	Value
65	A	97	a
66	B	98	b
67	C	99	c
68	D	100	d
69	E	101	e
70	F	102	f
71	G	103	g
72	H	104	h
73	I	105	i
74	J	106	j
75	K	107	k
76	L	108	l
77	M	109	m
78	N	110	n
79	O	111	o
80	P	112	p
81	Q	113	q
82	R	114	r
83	S	115	s
84	T	116	t
85	U	117	u
86	V	118	v
87	W	119	w
88	X	120	x
89	Y	121	y
90	Z	122	z

இல்லைனா, ரன் பெட்டியில charmap ன்னு அடிச்சா கணிணியில உள்ள அனத்து எழுத்துருவோடவும் ஒரு பெட்டி உதவிக்கு வரும்.

இப்பிடி ஒரு மின்னஞ்சல அனுப்பிடவுடனே,இன்னொரு நண்பர் கார்த்த்க்ராஜ சொன்னது

இனிமேல் யாரும் விசைப்பலகை வேலை செய்யவில்லை என்று வேலையை தள்ளிப் போட முடியாது, வேலைசெய்ய முடியவில்லை என்று செந்திலை தொந்தரவும் செய்ய முடியாது

தஞ்சைப் பெரிய கோயில் ஆயிரமாவது ஆண்டு நிறைவு விழா

2010-08-15T00:17:00.000+05:30

தஞ்சைப் பெரிய கோயிலின் ஆயிரமாவது ஆண்டு நிறைவு விழாவைத் தஞ்சையில் செப்டம்பர் 25,26-ம் தேதிகளில் நடத்துவது என முடிவு செய்திருப்பதாகத் தமிழக அரசு அறிவித்துள்ளது.

ராஜராஜ சோழன் ஆட்சியில் அமர்ந்த 19-வது ஆண்டில் தஞ்சை பெருவுடையார் ஆலயத்தைக் கட்டத் தொடங்கி 25வது ஆண்டின் 275-வது நாளில் கட்டி முடிக்கப்பட்டது (கி.பி. 1010) என்று வரலாறு கூறுகிறது.

சுற்றிலும் கற்களோ , மலைகளோ இல்லாத இடத்தில் இவ்வளவு பெரிய ஆலயத்தை அமைத்தது ஒரு வியப்பு என்றாலும், இதன் கலைத்திறனும், வடிவமைப்பும், காலம் கடந்து நிற்கின்றன.

யுனெஸ்கோவின் உலகப் பாரம்பரியச் சின்னமாகவும் தஞ்சைப் பெரிய கோயில் அறியப்பட்டிருக்கிறது.இக் கோயில் தற்போது இந்தியத் தொல்லியல் துறை கட்டுப்பாட்டில்தான் உள்ளது.

தஞ்சைப் பெரிய கோயில் கட்டப்பட்டு 1000 ஆண்டுகள் நிறைவடைகின்றன என்பது பற்றியும், இக் கோயிலின் பெருமை குறித்தும் அனைத்துப் பத்திரிகைகளும், ஊடகங்களும் செய்தி வெளியிட்டன. ஆனாலும், இந்தக் கோயிலின் ஆயிரமாவது ஆண்டுவிழாவை நடத்த வேண்டும் என்கிற எண்ணம்கூட ஏன் மத்திய அரசுக்கு ஏற்படவில்லை?

தஞ்சைப் பெரிய கோயில் வெறும் தமிழர் பெருமை மட்டும்தானா? இந்தியப் பெருமை இல்லையா!

தற்போது வெளியாகியுள்ள நிகழ்ச்சிநிரலைப் பார்க்கும்போது, ஆட்டம், கொண்டாட்டம் என்பதாகவும், தஞ்சைத் தமிழ்ப் பல்கலைக்கழகத்தில் ஆய்வரங்கமும் கோயில் வளாகத்தில் பொது அரங்கமும் நடத்தி, முதல்வரின் பொதுக்கூட்டத்துடன் முற்றுப்புள்ளி வைப்பதாக அமைந்துள்ளது.

ஐம்பொன் சிலைகள் மிக அழகாக, சரியான அளவுகளுடன் படைக்கப்பட்ட காலம் ராஜராஜ சோழன் காலத்தில்தான். இன்னும்கூட அந்தக் கோயிலின் பெருமையை முழுமையாகப் பார்த்துத் தெரிந்து கொண்டவர்கள் இல்லை. பிரகதீஸ்வரர் என்ற பெயர் பின்னாளில் ஏற்பட்டது. பெருவுடையார் கோயில் என்பதுதான் ராஜராஜன் சூட்டிய பெயர் என்பதுகூடப் பலருக்குத் தெரியாத நிலைமைதான் உள்ளது. "பழமை பழமை என்று பாவனை பேசலன்றிப் பழமை இருந்த நிலை-கிளியே, பாமரர் ஏதறிவார்' என்பதுதான் உண்மைநிலை.

எல்லோரையும் கோயிலின் உள்புறத்தில் செல்ல விடுவதில்லை. இருப்பினும்,கோயிலின் கருவறையின் உள்புறத்தில் உள்ள சுவர் ஓவியங்களைப் பற்றி இந்தியத் தொல்லியல் துறையும் உலக வல்லுநர்களும் புகழ்கிறார்கள். ஆனால் அந்த அற்புத ஓவியங்களைப் பார்த்த தமிழர்கள் எத்தனை பேர்? அந்தச் சுவர் ஓவியங்களை வண்ணத் தாளில் அச்சடித்துப் புத்தகமாகக் குறைந்தவிலையில் விநியோகிக்க வேண்டாமா? இணையதளத்தின்மூலம், இந்தியாவின், தமிழனின் பாரம்பரியப் பெருமையை உலகறியச் செய்ய வேண்டாமா?

தஞ்சைப் பெரிய கோயிலின் கோபுர விமானத்தில் 81 டன் எடைகொண்ட ஒரே கல்லை எப்படி ஏற்றி வைத்தார்கள் என்பது இன்றும்கூட விவாதிக்கப்படும் கட்டடக்கலை நுட்பமாகப் பேசப்படுகிறது. உலகத் தமிழ்ச் செம்மொழி மாநாட்டில் பேசிய டாக்டர் எஸ். காமேஸ்வரன், பிரமிடுகளின் உச்சியில் உள்ள கடைசிக் கல்லின் எடையும் மிக அதிகம். அதைச் சாதிக்கக் காரணமாக இருந்தது தமிழர் கலைநுட்பமாக இருக்கலாம் என்று, வரலாற்று ஆசிரியர் நீலகண்ட சாஸ்திரிகளை மேற்கோள் காட்டினார். இதைப் பற்றிய ஆய்வுகளை ஊக்குவிக்க வேண்டிய கடமை அரசுக்கு உள்ளது.

ராஜராஜ சோழன் குறித்தும்,அன்றைய சோழர் கால நிலைமை குறித்தும் விளக்கும் நல்ல நாவல், அரசுடைமையாக்கப்பட்ட நாவல், அமரர் கல்கியின் "பொன்னியின் செல்வன்'. இந்த நாவலின் சுவை குன்றாமல் சுருக்கி, உயர்நிலை, மேல்நிலைப் பள்ளி மாணவர்களுக்குத் தமிழ்த் துணைப்பாட நூலாக அறிவித்தால், தமிழகத்தில் அனைத்துக் குழந்தைகளும் ராஜராஜ சோழன் பற்றி அறிந்து கொள்ள உதவும். சோழர் ஆட்சியின் கலை, நிர்வாகத் திறன், வெற்றிகளைத் தமிழர் அறிய விழையும் ஒரு தூண்டுகோலாக இந்த விழா அமையட்டும்!

தகவல் உதவி : தினமணி
Wikkipedia
http://www.thebigtemple.com/templetimeline.html

USB பென் டிரைவ் i/o பிழை திருத்தம் (ரெகவரி).

2010-08-06T22:50:00.001+05:30

வலைகூறும் தமிழ் மக்களுக்கு மீண்டும் வணக்கம்.

இன்றைய பதிவாக USB பென் டிரைவ் i/o ( உள்ளீடு/வெளியீடு) பிழை திருத்தம் (ரெகவரி) பற்றியது.

என்னிடம் ஒரு 2ஜிபி கொள்ளளவு கொண்ட ஒரு ஜெட்பிளாஷ் பென் டிரைவ் உள்ளது.

அது சில மாதங்களுக்கு முன் மக்கர் செய்ய ஆரம்பித்துவிட்டது.கணிப்பொறியில் இணைத்தால் இணைத்ததாக காட்டும், my Computer லும் ஒரு அகற்றக்கூடிய தட்டு (Removable disk) இருப்பதாக காட்டும். ஆனால் அந்த ஜெட்பிளாஷ் பென் டிரைவில் கோப்புகளைபதிக்க முடியாமல் இருந்தனு. அதனை பார்மேட் செய்யலாம் என்றால் புதிய வன்பொருளை இணைக்கவும் (insert new hardware) என்று காட்டும். பலமுறைகளில் முயன்றும் ஒன்றும் செய்ய இயலவில்லை. ஸ்கேன் செய்தால் i/o( உள்ளீடு/வெளியீடு) பிழை கூறியது. சரி அவ்வளவுதான் என விட்டுவிட்டேன்.

2.3 நாட்கள் முன்பு என்னுடைய அலுவலக கணிப்பொறியை ஸ்கேன் செய்யலாம் என
PC-Doctor 5 for Windows ல் ஸ்கேன் செய்யும்பொழுது, இதில் முயற்சிக்கலாம் என முயற்சித்தேன்.
முதல்முறை பிழையுடனும், இரண்டாம் முறை முயற்சித்ததில் வெற்றிகரமாக பென் டிரைவ்
ஸ்கேன செய்யப்பட்டது.

மறுபடி பார்மேட் செய்தவுடன் பென் டிரைவ் மீண்டும் உபயோகத்திற்க்கு வந்துவிட்டது.

செயல்முறை

PC-Doctor 5 for Windows மென்பொருளை உங்கள் கணிப்பொறியில் நிறுவி, அதனை இயக்கியபின்
System and Device Tests தேர்ந்தெடுக்கவும், அதில் Storage ஐ தேர்ந்தெடுக்கவும் அதில் உங்கள் கணினியில் உள்ள சேமிக்கும் தட்டுகளை வகைப்படுத்தி காட்டப்பட்டு இருக்கும் CARD Reader ஐ தெரிவு செய்யவும். Do you wish to continue ல் yes தெரிவு செய்யவும் எத்தனை முறை உங்கள் வன்பொருளை பரிசோதிக்க வேண்டும் எனவும் நீங்கள் தெரியப்படுத்தலாம்.இப்பொழுது பரிசோதனை 3 கட்டங்களில் நடக்கும்.

எனக்கு வெற்றிகராமாக முடிந்ததால் உங்களுக்கும் தெரியப்படுத்துகிறேன்.

முயற்சிக்கவும். வெற்றியடைய வாழத்துக்கள்.
/*\ ---------------------------------------------------------------------------------------------/*\

மேலே உபயோகப்படுத்தியுள்ள கணிப்பொறி சார்ந்த சொற்க்களை அண்ணா பல்கலைக்கழகம் வெலியிடுள்ள கணிப்பொறி கலைச்சொல் அகராதியில்அர்த்தப்படுத்தியுள்ளனர்.அவை கீழே

Format - வடிவம்

Storage - நினைவகம்

scan- வருடல், வருடு

படிச்சாச்சா அப்பிடியே ஒரு ஓட்ட போட்டுபோங்க

"யூஎஸ்பி டிஸ்க் செச்யூரிட்டி"!(USB DISK SECURITY)

2010-07-29T22:54:00.000+05:30

யூஎஸ்பி. இன்றைய கணிணியுகத்து தொழில்நுட்ப வசதிகளில் முக்கியமான ,
அத்தியாவசியமான ஏன் அடிப்படை வசதி என்று கூட ஆகிவிட்டது .

கோப்புகளை பிரதிஎடுப்பது (copy), தகவல் பறிமாறுதல, போட்டோ பறிமாறுதல என

யூஎஸ்பி பெரும் அளவில் நமக்கு உதவும் அதேநேரத்தில் அதனால் தகவல்களோடு

நெல்லோடு விளையும் புல்போல வைரஸ்கள், ஸ்பேர்ம் என வேண்டாதவையும்

சேர்ந்து நம்மோடு, நம் கணிணியில் விளையாடும். அதனை தவிர்க்க பல மெபொருள்கள்

இருந்தாலும் "யூஎஸ்பி டிஸ்க் செச்யூரிட்டி"!(USB DISK SECURITY) எனும் இந்த மென்பொருள்

USB Shiled

இந்த மென்பொருளில் இருக்கும் USB Shiled மூலம் கணிணியின் யூஎஸ்பில் இணைக்கப்படும்

பென் டிரைவ், பிளாஷ் டிரைவ் என எதனை இணைத்தாலும் உடனே அதில் ஏதேனும் பூச்சி, புழு

இருக்கிறதா என சொல்லிவிடும். நாம் உடனே செயல்பட வசதியாய் இருக்கும்.

யூஎஸ்பில் இணைக்கப்படும் கருவிகளில் உள்ள வைரஸ்களை ஸ்கேன் செய்கிறது.

ஆபத்தான கோப்புகளை தனியே அட்டவனை படுத்துகிறது , அதில் நாமே தேர்ந்தெடுத்தோ,

அல்லது எல்லா கோப்புகளையுமோ அழிக்க இரண்டு தனித்தனி பொத்தான்கள் உள்ளன.

நாம் கோப்புகளியோ, ஏதேனும் நிகழ்வுகளையோ (applications) இயக்கிக்கொண்டிருக்கும் பொழுது அவற்றில்பாதிப்புகள் இருந்தால் அதனை வெளிப்படுத்தும்அழிக்க இயலாத பாதிக்கப்பட்ட கோப்புகளை, ஓரிடத்தில ஒதுக்கி வைத்தலே " Quarantine " ஆகும்.இந்த மென்பொருளும் அதனை செய்கிறது. அதினை முழுதும் அழிக்கவும், இல்லை தேவையென்றால்திரும்பப்பெறவும் வசதிகள் உண்டு. திரும்பப்பெறும்மும் அதனை ரெப்ரஸ் மூலம் மீண்டும் சோதிக்கவும் முடியும்

USB Tools மூலம் Autorun போன்ற தானியங்கி நிரல்கள் மூலம் ஏற்படும் பாதிப்புகளை தவிர்க்கவும், தேவையென்றால்மீண்டும் அந்த நிரல்களை அழைக்கவும் முடியும்.

USB டிரைவை அகற்றும் பொழுது ஏற்ப்படும் " Generic Volume " போன்ற பிரச்சினைகளில் இருந்து பாதுகாப்பாகஅகற்றவும் முடியும் இந்த மென்பொருள்மூலம்.

ரெஜிஸ்ட்ரி , வன் தட்டு போன்றவற்றினை சுத்தம் செய்யும் உத்வி பொருள்களும் இதில் உண்டு.

ஆட்டோ ஸ்டார்ட் பொழுது எந்த எந்த நிரல்கள் செயல்படவேண்டும் எனவும் திர்மானிக்கலாம்

"யூஎஸ்பி டிஸ்க் செச்யூரிட்டி"!(USB DISK SECURITY) குறித்து மென்பொருள் தயாரிப்பாளர்கல் சொல்வது

Key features:
1. USB Disk Security provides 100% protection against any threats via USB drive, however, the majority of other products are unable even to guarantee 90% protection.
2. USB Disk Security is the best antivirus software to permanently protect offline computer without the need for signature updates, but other antivirus software should update signature database regularly, and they cannot effectively protect offline computer.
3. This light and easy to use solution is 100% compatible with all software and doesn't slow down your computer at all.
4. You pay USB Disk Security once and get it all, however, other antivirus products should be paid for updates every year.

பயன்படுத்தி பாருங்கள்.பலனை மற்றவருக்கும் சொல்லுங்கள்.

தரவிறக்கம் செய்ய www.zbshareware.com ல் சொடுக்கவும்

இந்திய ருபாய்க்கான குறியீட்டு எழுத்துரு தரவிறக்கம்

2010-07-27T00:38:00.003+05:30

இந்திய ருபாய்க்கான குறியீட்டு எழுத்துரு தரவிறக்கம்

வலை வாழ் தமிழர்களுக்கு மீண்டும் வணக்கம்.,

மொத்தத்தில் கடைசியாக நமது ரூபாய்க்கு ஒரு குறியீடு கிடைத்துவிட்டது .
பின்ன என்ன ? உபயோகபடுத்த வேண்டியத்துதான.... அதிலும் இன்னும் அரசாங்கம் அதிகரபுர்வமா உபயோக்கிக்க சட்டமோ இல்ல வேறு வகையான அனுமதியோ தரல்ல அப்பிதேன்னு சொல்றங்க. எது எப்பிடியோ நமக்கு கிடச்சதை நாம உபயோகப்புட்த்தனும் இல்ல. அதுக்கு அந்த எழுத்துரு நமக்கு கிடைக்கணும் இல்லையா? அதுக்குத்தான் intha பதிவு .

இந்திய ருபாய்க்கான குறியீட்டு எழுத்துருவை http://blog.foradian.com/ தளத்திளுருந்து
இறக்குமதி செய்யலாம். அதனை நம்ம கணிப்பொறி எழுத்துரு சேமிப்பு மையத்துல (Fontsfolder ) ல சேமிச்சு அதனை இயக்கலாம். கணிப்பொறியில TAB பொத்தான் மேல உள்ள ~ பொத்தான நம்ம தட்டச்சு பலகையில தட்டி , எழுத்துரு தேர்வு தளத்தில "Rupee " தேர்வு செஞ்சா நம்ம ருபாய்க்கான குறியீடு வரும்.

மேலும் பல விபரங்களுக்கு http://blog.foradian.com தளத்துக்கு போய்பார்க்கலாம் . மற்ற மென்பொருள்கள், இயங்குதளங்கள் போன்றவற்றில் எப்பிடி இணைப்பதுன்னும் சொல்றாங்க, காணொளி சேவையும் உண்டு .

படம் சொல்லும் கதை

2010-07-23T00:07:00.000+05:30

வாகனம் ஒட்டும் பொழுது அலைபேசியில் பேசாதிர்கள் என்று எச்சரிக்கை, சட்டம், என எது செய்தாலும் அதை எல்லாம் கவலைபடாமல் விதிகளை மீறும் நமக்கு படம் சொல்லும் கதை என்பதுபோல் சிறப்பான படக்காட்சி .

ஆழமாய் , அழுத்தமாய் ஒரு படம்.
படம் சொல்லும் கதை ஒரு பாடம் .

ஆங்கில மொழிப பயிற்சி

2010-07-22T23:06:00.001+05:30

ஆங்கில மொழியில் உங்களுக்கு எத்தனை சொற்கள் தெரியும்? அவற்றின் சரியான பொருள் உடனடியாகச் சொல்ல முடியுமா?

நீங்கள் மாணவரா? பெற்றோரா? ஆசிரியரா? மாணவராய் இல்லை என்றால் கற்கும் மாணவர்களுக்கு எப்படி உதவ முடியும்? என்ற கேள்விகளுக்கெல்லாம் பதில் தருகிறது http://www.verbalearn.com என்ற முகவரியில் உள்ள இணைய தளம். ஆங்கில சொற்கள் குறித்த உங்கள் அறிவை வளர்க்கும் வகையில் பல சோதனைத் தேர்வுகளை இது நடத்துகிறது. உங்கள் பதில் சரியா, இல்லையா என்று சொல்லி விளக்கமும் அளிக்கிறது.

முதலில் இந்த தளம் சென்றவுடன் ஒரு விளக்க வீடியோ கிடைக்கிறது. அதனை முதலில் பார்த்தால் இந்த தளத்தை எப்படியெல்லாம் பயன்படுத்தலாம் என்று வழி காட்டப்படுகிறது. ஸ்டடி லிஸ்ட் தயார் செய்திடலாம். அதனை எப்படி உங்கள் கம்ப்யூட்டருக்கு டவுண்லோட் செய்து பயன்படுத்தலாம் என்று சொல்லிக் கொடுக்கப்படுகிறது.

SAT ACT, GRE, General Vocabulary என்ற நான்கு பிரிவுகளில் சொற்களை வகைப்படுத்தி சிறு சிறு தேர்வுகளை நடத்தி நம் சொல் திறன் என்று காட்டுகிறது. SAT ACT, GRE தேர்வு களுக்கு தயார் செய்திடும் மாணவர்கள் இந்த தளம் சென்று தங்களின் நிலையை அறிந்து கொள்ள வேண்டியது மிகவும்

அவசியம். மற்றவர்கள் General Vocabulary என்ற பிரிவில் தங்களுக்குத் தெரிந்த சொற்கள் குறித்துத் தெரிந்து கொள்ளலாம். Start Nowபட்டனில் கிளிக் செய்து நீங்கள் எந்த பிரிவில் தேர்வு எடுத்துக் கொள்ள விரும்புகிறீர்கள் என்று காட்டி அந்த தேர்வினை மேற்கொள்ளலாம்.

தளத்தில் உங்களைப் பதிவு செய்து விட்டால் உங்களின் சொல் திறன் எப்படி உள்ளது என்றும் நீங்கள் அமைத்துள்ள ஸ்டடி லிஸ்ட் என்ன வகையில் இன்னும் மேம்படுத்தப்படலாம் என்றும் காட்டப்படுகிறது.

சிறுவர்களாய் இருந்து இந் த தளத்தைப் பயன்படுத்த முடியவில்லை என்றால் பெற்றோர்களும் ஆசிரியர்களும் அவர்களுக்கு உதவலாம். இதில் உள்ள இன்னொரு சிறப்பு சொற்களுக்கான ஆடியோ பைல்.இதனை இயக்கி நன்றாகப் பயிற்சியினை மேற்கொள்ளலாம். உங்கள் ஸ்டடி லிஸ்ட்டை கம்ப்யூட்டருக்கு மாற்றி பின் அதனை ஐ–பாட் சாதனத்திற்கு மாற்றி நீங்கள் செல்லும் இடங்களில் எல்லாம் சொற்களை பயிற்சி செய்து கொண்டு செல்லலாம். பல வகைகளில் உங்கள் ஆங்கில அறிவை வளர்க்கும் இந்த தளம் மாணவர்களுக்கு மட்டுமின்றி அனைவருக்குமான ஒரு தளமாகும். இந்த சேவை அனைத்தும் நமக்கு இலவசமாகக் கிடைக்கிறது என்பது இன்னொரு சிறப்பு.

வாக்காளர் விவரம் இப்போது எஸ்.எம்,எஸ் ல்

2010-07-17T22:51:00.000+05:30

வாக்காளர் விவரம் இப்போது எஸ்.எம்,எஸ் ல்.

தமிழகத்தில் முதல்முறையாக எஸ்.எம்,எஸ் மூலம் வாக்காளர் தங்கள்
விவரங்களை அறிந்து கொள்ளும் வசதியை சென்னை மாநகராட்சி ஏற்ப்பாடு செய்துள்ளது.
இந்த வசதியை தலைமை தேர்தல் அதிகாரி நவீன் சாவ்லா தொடங்கிவைத்தார்.

இந்தவசதி இப்போதைக்கு சென்னை வாக்காளர்களுக்கு மட்டுமெ பயன்படுத்த முடியும்

சென்னையில் உள்ள வாக்காளர்கள் : 27,20,673 பேர் 97.83 சதவீத வாக்காளர்களுக்கு
புகைப்பட அடையாள அட்டை கொடுக்கப்பட்டுள்ளது.

எஸ்.எம்,எஸ் ல் vote வாக்காளர் அடையாள அட்டை எண்ணை டைப் செய்து
51913 எனும் எண்ணுக்கு அனுப்பவும்.

இந்த சேவைமூலம் விவரம் பெற இயலாதவர்கள், வாக்காளர் பட்டியலில் இடம் பெற
வாய்ப்பு இல்லை. அவர்கள் அந்தந்த பகுதி மண்டல அலுவலகங்களில் உள்ள வாக்காளர்
பதிவு அதிகாரியை அனுகி வாக்காளர் பட்டியலில் சேர்த்துக்கொள்ள வேண்டும்.

என்னிடம் அடையாள அட்டை உள்ளது. ஆனால் என்னை பகுதி வாக்காளர் பதிவு அதிகாரியை
அணுகுமாறு எனக்கு மறுமொழி வந்தது. கடந்த தேர்தலிலும் எங்கள் குடும்பத்தில் இருந்த
பழைய 5 ஓட்டுக்கள் காணாமல்போய், புதிதாக பதியப்பட்ட ஒர் வாக்குமட்டுமே இருந்த்தது.
ஆன் - லைன், வாக்காளர் விண்ணப்பம், சரிபார்க்கும் அதிகாரியிடம் விண்ணப்பித்தல் என பல முறைகளில்,
பல முனைகளில் முயன்றும், இன்னும் எங்கள் பெயர் சேர்க்கப்படவில்லை.

ஜனநாயக கடமை செய்ய எத்தனை போராடவேண்டுயுள்ளது, இந்த ஜனநாயக திருநாட்டில்.

கோவையில் செம்மொழி மாநாடு

2010-06-23T00:10:00.002+05:30

உலகத் தமிழ்ச் செம்மொழி மாநாடு என்ற பெயரில்ஒன்பதாவது உலகத் தமிழ் மாநாடு புதன்கிழமை கோவை என அழைக்கப்படும்
கோயமுத்தூரில் துவங்கும் நிலையில் நகரமே விழாக் கோலம் பூண்டிருக்கிறது.

எங்கு பார்த்தாலும் வண்ணமயமான விளக்குகள், வரவேற்புத் தோரணங்கள். மாநாட்டை
ஒட்டி, நகரமே புத்தாடை உடுத்தியது போல பொலிவுபடுத்தப்பட்டிருக்கிறது.

மாநாட்டுக்கான அலங்கார வளைவு ஒன்று

இந்த மாநாட்டை இந்தியக் குடியரசுத் தலைவர் பிரதிபா பாட்டீல் புதனன்று காலை துவக்கி வைக்கிறார். அதற்காக, அவர் கோவை நகருக்கு வந்து சேர்ந்திருக்கிறார்.தமிழக முதலமைச்சர் கருணாநிதி, அமைச்சர்கள் மற்றும் அதிகாரிகள் அவரை விமான நிலையத்தில் வரவேற்றார்கள்.
இந்த மாநாட்டை ஒட்டி, முதலமைச்சர் கருணாநிதி அவர்கள் திங்களன்றே கோவை நகருக்கு
வந்துவிட்டார்.

மாநாட்டு ஏற்பாடுகள் குறித்து துணை முதல்வர் ஸ்டாலின் உள்பட அமைச்சர்கள் மற்றும்
அதிகாரிகளுடன் ஆலோசனை நடத்திய அவர், மாநாட்டு அரங்கை நேற்றிரவு
சென்று இரண்டு மணி நேரம் பார்வையிட்டார்.

தமிழுக்கு செம்மொழி அந்தஸ்து 2004 ஆம் ஆண்டு இந்திய அரசால் முறைப்படி வழங்கப்பட்ட பிறகு இந்த மாநாடு நடத்தப்படுகிறது. கோவை மாவட்ட சிறுதொழில்கள் சங்க வளாகத்தை ஒட்டி, 100 ஏக்கர் பரப்பில் மாநாட்டு வளாகம் அமைக்கப்பட்டுள்ளது.

இந்த மாநாட்டில் நாலாயிரத்துக்கும் மேற்பட்ட தமிழ் அறிஞர்கள், ஆய்வாளர்கள், எழுத்தாளர்கள் கலந்துகொள்வார்கள் என எதிர்பார்க்கப்படுகிறது.

இலங்கை, மலேசியா, சிங்கப்பூர், அமெரிக்கா உள்பட பல்வேறு நாடுகளில் இருந்து கலந்துகொள்கிறார்கள். இலங்கையிலிருந்து சிவத்தம்பி உள்ளிட்ட `மூத்த அறிஞர்கள் பங்கேற்கிறார்கள். மாநாட்டை ஒட்டி, முதல்வர் கருணாநிதி பெயரில் உருவாக்கப்பட்டுள்ள, கருணாநிதி செம்மொழி விருது, பின்லாந்து நாட்டு அறிஞர் அஸ்கோ பர்போலாவுக்கு வழங்கப்பட உள்ளது.

மாநாட்டின்போது, 1020 கட்டுரைகள் சமர்ப்பிக்கப்பட உள்ளன. 23 ஆய்வரங்கங்கள் நடைபெற உள்ளன. ஆய்வரங்கங்கள் நடைபெறும் அரங்குகளுக்கு தமிழ் புலவர்களின் பெயர்கள் சூட்டப்பட்டிருக்கின்றன. ஆய்வரங்கத்தை முதல்வர் கருணாநிதி வியாழனன்று துவக்கி வைக்கிறார்.

உலக நாடுகளில் தமிழும், தமிழரும், - உலகமயமாதல் சூழலில் தமிழ், - சிந்துவெளி எழுத்துச் சிக்கல் - தமிழ் செம்மொழியின் தனித்தன்மை என்பது உள்பட பல்வேறு தலைப்புக்களில் ஆய்வுகளும் விவாதங்களும் நடைபெற உள்ளன.

இந்த மாநாட்டின்போது, தமிழ் இணையதள மாநாடும் நடைபெற உள்ளது. அதில், தமிழ் மொழியை இணையப் பயன்பாட்டில் மேலும் வளப்படுத்துவது எப்படி என்பது உள்பட பல விவாதங்கள் நடைபெற உள்ளன.

மாநாட்டை ஒட்டி, 35 ஆயிரம் சதுர அடியில் பிரம்மாண்டமான கண்காட்சி அரங்கம் அமைக்கப்பட்டுள்ளது. அதில், தமிழர் வரலாறு, பாரம்பரியம், வாழ்க்கை முறை, சிந்துவெளி நாகரிகம் உள்பட 700 க்கும் மேற்பட்ட பொருள்களில் கண்காட்சி இடம்பெற உள்ளது. அதுதவிர, ஏற்கனவே, கைவினைப் பொருட்கள் கண்காட்சியும், புத்தகக் கண்காட்சியும் நடைபெற்று வருகிறது.

துவக்க நாளான நாளை மாலை 4 மணிக்கு, எழிலார் பவனி அல்லது இனியவை 40 என்று அழைக்கப்படும் அலங்கார வாகன அணிவகுப்பு ஊர்வலம் நடைபெற உள்ளது. தமிழர்களின் இசை, இலக்கியம், பண்பாடு உள்ளிட்டவற்றை விளக்கும் வகையில் அந்த அணிவகுப்பு இடம்பெறும். இரண்டு வாகனங்களில் லேசர் விளக்குக் காட்சிகளும் இடம்பெற உள்ளன. அதில் பங்கேற்க 2000 கலைஞர்கள் கோவையில் கூடியிருக்கிறார்கள்.

வ.உ.சி மைதானத்தில் துவங்கி மாநாடு நடைபெறும் கொடிசியா மைதானம் வரை 11 கி.மீ. தூரத்துக்கு நடைபெறும் இந்த ஊர்வலத்தை குடியரசுத் தலைவர், தமிழக ஆளுநர் பர்னாலா முதலமைச்சர் உள்பட பல்வேறு தலைவர்கள் பார்வையிட உள்ளனர்.

செம்மொழி மாநாட்டுக்கு முன்னோட்டமாக, கடந்த மூன்று தினங்களாக கோவை நகரில் 11 இடங்களில் செம்மொழிக் கலைவிழா நடைபெற்று வருகிறது. மாநாட்டு வளாகத்தைப் பார்வையிட பொதுமக்கள்
ஏராளமான அளவில் கடந்த மூன்று தினங்களாக வந்து கொண்டிருக்கிறார்கள்.

இந்த மாநாட்டை ஒட்டி, கோவை நகரில் பல்வேறு வளர்ச்சிப் பணிகள் நடைபெற்றுள்ளன. குறிப்பாக, சாலைகள் விரிவுபடுத்தப்பட்டுள்ளன. பல இடங்களில் புதிய பூங்காக்கள் அமைக்கப்பட்டுள்ளன. தற்போது மத்திய சிறை அமைந்துள்ள இடத்திலிருந்து அது அகற்றப்பட்டு, 165 ஏக்கரில் உலகத் தரம் வாய்ந்த தாவரவியல் பூங்கா அமைக்கப்படும் என தமிழக அரசு அறிவித்துள்ளது. ரயில் நிலையம் மற்றும் விமான நிலையங்களிலும் புனரமைப்புப் பணிகள் நடைபெற்றுள்ளன

நம்பிக்கை தகர்கிறதே...

2010-06-13T17:32:00.000+05:30

எதற்கெடுத்தாலும் அமெரிக்காவை நமது லட்சியமாகக் காட்டும் இன்றைய இந்திய ஆட்சியாளர்கள், அமெரிக்கா தனது தேசத்தையும், தேசமக்களையும் மட்டுமே முன்னிறுத்திச் செயல்படுவதை ஏன் முன்னுதாரணமாகக் கொள்ள மறுக்கிறார்கள் என்பதுதான் புரியவில்லை. இந்தியாவின் இறையாண்மையும், தன்மானமும் சின்னச்சின்ன விஷயங்களில்கூடப் பேரம் பேசப்பட்டுவிடும்போது, அதிர்ச்சி அடைவதைத் தவிர நமக்கு வழிதான் என்ன இருக்கிறது.

கோத்ராவைத் தொடர்ந்து நடைபெற்ற மதக்கலவரத்தை அவர் கட்டுப்படுத்தவில்லை என்பதும், கண்களை மூடிக் கலவரம் காட்டுத்தீயாகப் படர்வதை அனுமதித்தார் என்பதும் குஜராத் முதல்வர் நரேந்திர மோடிமீது சுமத்தப்படும் குற்றச்சாட்டுகள். 2002‐ம் ஆண்டில் நடந்த குஜராத் கலவரங்களின் பின்னணியில், மனித உரிமை மீறல் என்கிற காரணம் காட்டி அவருக்கு அமெரிக்க அரசு நுழைவு அனுமதி மறுத்துவிட்டது. அமெரிக்கா மட்டுமல்ல, கனடா மற்றும் சில ஐரோப்பிய நாடுகளும் அவர் தங்களது தேசத்துக்கு விஜயம் செய்ய அனுமதி மறுத்தன.

மனித உரிமை மீறல் நடந்ததாகக் கூறப்படுவது இந்தியாவில். சம்பந்தப்பட்ட நபரோ, இந்தியாவின் முக்கியமான ஒரு மாநிலத்தின் முதல்வர். ஆனால், அவர்களது நாட்டுச் சட்டப்படி, மனித உரிமை மீறலாகக் கருதப்படுவதைச் செய்த ஒருவர் தங்களது தேசத்துக்கு விஜயம் செய்வதை அந்த நாடுகள் விரும்பவில்லை. இந்தியாவைப் பகைத்துக் கொள்வோம் என்று பயப்படவில்லை. தயவுதாட்சண்யம் பார்க்கவில்லை.

இந்தியாவின் முன்னாள் குடியரசுத் தலைவர் அப்துல் கலாம் அமெரிக்காவுக்கு சொற்பொழிவாற்ற, அந்த நாட்டுப் பல்கலைக்கழகங்களின் அழைப்பை ஏற்றுக் கொள்கிறார். ஆனால், அமெரிக்க விமானத்தில் ஏறுவதற்கு எல்லா பயணிகளையும்போல அவரும் சோதனைக்கு உள்படுத்தப்படுகிறார். எந்தப் பிரமுகரானாலும் விதிவிலக்கில்லை என்று கூறிவிடுகிறார்கள். இது எங்கள் தேசத்தின் பாதுகாப்பு சம்பந்தப்பட்ட விஷயம் என்று விளக்கம் தருகிறார்கள். தயவுதாட்சண்யத்தையும், மரியாதையையும்விடத் தங்களது தேசப் பாதுகாப்புதான் அவர்களுக்கு முக்கியம். பிரபல இந்தி நடிகர் ஷாரூக்கானும் இதேபோன்ற சோதனையை எதிர்கொள்ள நேர்ந்தது உலகறிந்த செய்தி.

இங்கே இந்தியாவில் என்ன நடக்கிறது? இலங்கை அதிபர் ராஜபட்ச அரசுமுறைப் பயணமாக இந்தியா வருகிறார். வரும்போது தன்னுடைய குழுவில் தைரியமாக இந்தியாவில் குற்றவாளியாகத் தேடப்படும் ஒருவரை, அமைச்சர் என்கிற அந்தஸ்துடன் அழைத்து வருகிறார். அவரைப் பிரதமருக்கு அறிமுகப்படுத்தி, கைகுலுக்க வைக்கிறார். என்னருகில், எனது நிழலில் இருந்தால் உன்னை யாரும் எதுவும் செய்துவிட முடியாது என்று உறுதி அளித்தாரோ என்னவோ, யாருக்குத் தெரியும்?

அதிபர் ராஜபட்சவுடன் வரும் குழுவில் இடம்பெறப் போகிறவர்கள் யார், எவர்? அவர்களது பின்னணிதான் என்ன? இவையெல்லாம் தெரியாமல் அனுமதி வழங்கப்பட்டதா? இந்தியாவிலிருந்து பிரதமருடன் வெளிநாடு செல்லும் அவரது தனிச்செயலர், பாதுகாப்புப் படையினர் உள்ளிட்ட அனைவருமே முழுமையாக விசாரிக்கப்பட்ட பிறகுதான் பிரதமர் விஜயம் செய்யும் நாடுகளில் நுழைவு அனுமதி வழங்கப்படுகிறது. பிரதமரைத் தவிர, அனைவருமே சோதனை செய்யப்படுகிறார்கள். அப்படியானால், இந்தியப் பிரதமரைவிட இலங்கை அதிபர் சக்தி வாய்ந்தவரா? இந்தியா என்ன இலங்கையின் அடிமை நாடா அல்லது நாம் அதிபர் ராஜபட்சவை அண்டிப் பிழைக்கிறோமா?

இலங்கை அதிபர் ராஜபட்சவுடன் அரசுமுறைப் பயணமாக இந்தியா வந்திருந்த இலங்கையின் கலாசாரம் மற்றும் சிறுதொழில் வளர்ச்சித் துறை அமைச்சர் டக்ளஸ் தேவானந்தாவின்மீது இந்திய நீதிமன்றங்களில் தொடுக்கப்பட்டுள்ள வழக்குகள் என்னென்ன தெரியுமா? 9 பேர் கொண்ட கூட்டத்துடன் டக்ளஸ் தேவானந்தா 1986‐ல் சென்னை சூளைமேட்டில் சாலையில் போவோர் வருவோர்மீது கண்மூடித்தனமாகச் சுட்டு 5 பேர் காயமடைந்தனர். அதில் ஒருவர் உயிரிழந்தார், அந்த வழக்கில் டக்ளஸ் தேவானந்தா தேடப்படும் குற்றவாளி. 1989‐ல் பணத்துக்காக சிறுவன் ஒருவனைக் கடத்திய வழக்கும் இவர்மீது நிலுவையில் உள்ளது. இந்த விவரங்கள் எதுவும் தெரியாமல், விசாரிக்காமல் அவருக்கு இந்திய அரசு அனுமதி வழங்கியதா? ஏன் வழங்கியது?

தேடப்படும் குற்றவாளியாக அறிவிக்கப்பட்ட ஒருவரை மாஜிஸ்திரேட் உத்தரவில்லாமல், வாரண்ட் இல்லாமல் பார்த்த உடனேயே கைது செய்யும் அதிகாரம் காவல்துறைக்கு உண்டே! ஏன் செய்யவில்லை? அப்படியானால் இது அரசுக்கே தெரிந்து நடந்த ஒரு நிகழ்வே தவிர எதிர்பாராத ஒன்று என்று ஏற்றுக் கொள்வதற்கில்லை. இதுவரை குவாத்ரோச்சி போன்ற தேடப்படும் குற்றவாளிகளைத் தப்ப அனுமதித்த குற்றமும், வெளிநாடுகளிலிருந்து கைதுசெய்து அழைத்து வராத குற்றமும்தான் நமது அரசு செய்து வந்தது. இப்போது குற்றவாளியாக அறிவிக்கப்பட்டவர்கள் அரசுமுறை விருந்தினர்களாக வரவேற்கப்படவும் அனுமதி அளிக்கத் தொடங்கிவிட்டிருக்கிறது இந்திய அரசு.

விரைவிலேயே குவாத்ரோச்சி இத்தாலி நாட்டின் அமைச்சராகி விட்டால், அரசுமுறைப் பயணமாக அவர் தைரியமாக, எந்தவிதத் தயக்கமும் இல்லாமல் வந்து போகலாம் போலிருக்கிறது. போபால் விஷவாயுக் கசிவு வழக்கின் முதல் குற்றவாளி வாரன்ட் ஆண்டர்சன்கூட, அதிபர் ஒபாமாவுடன் அரசுமுறைப் பயணமாக இந்தியா வந்து போனாலும் ஆச்சரியமில்லை.

மனதை ஒரு கேள்வி நெருடுகிறது. 1987‐ம் ஆண்டு இந்திய ‐ இலங்கை ஒப்பந்தம் கையெழுத்தான கையோடு இலங்கை அதிபர் ஜெயவர்த்தனவின் முன்னிலையில் கடற்படை அணிவகுப்பைப் பார்வையிடும்போது நமது இந்தியப் பிரதமர் ராஜீவ் காந்தியை ஒரு கடற்படை வீரர் துப்பாக்கியால் தாக்கிக் கொல்ல முற்பட்டாரே, நினைவிருக்கிறதா? அந்த 26‐வயது விஜயமுனிகே ரோகணா என்கிற கடற்படை வீரரின் தாக்குதலால் ராஜீவ் காந்தி அன்று கொல்லப்பட்டு, இப்போது அதே ரோகணா ஓர் அமைச்சராக அதிபர் ராஜபட்சவுடன் அரசுமுறைப் பயணமாக இந்தியா வந்திருந்தால், நமது இந்திய அரசு அவரை வரவேற்றிருக்குமா? பிரதமர் ரோகணாவுடன் கைகுலுக்கி மகிழ்ந்திருப்பாரா?

சூளைமேட்டில் டக்ளஸ் தேவானந்தாவின் குண்டுகளுக்குப் பலியான அந்த முகம் தெரியாத இந்தியக் குடிமகனுக்கு நமது அரசு தரும் மரியாதை இதுதானா? ஓர் இந்தியக் குடிமகனைக் கொலை செய்த குற்றத்துக்காகக் கைவிலங்கு மாட்டப்பட வேண்டிய ஒரு நபருடன் கைகுலுக்கப் பிரதமருக்கு எப்படி மனம் வந்தது? நூறு கோடிக்கும் அதிகமான மக்களின் நம்பிக்கை தகர்கிறதே... வெட்கக் கேடு!

நன்றி : தினமணி

மனிதம் மிளிர்கிறது

2010-06-10T23:24:00.002+05:30

வலை வாழ் தமிழர்களுக்கு, நீங்கள் இந்த பதிவை ஏற்க்கனவே வேறு இடத்தில், வேறு ஒருவரின் பதிவாக படித்திருக்கலாம். இருந்தாலும் செய்தியின் கணம் கருதி இதனை வெளியிடுகிறேன், ஏற்கனவே பதிவிட்டு இருந்தால் அந்த பதிவருக்கு ஏன் நன்றி, அவரின் கருத்தை நான் அப்படியே வெளியிடுகிறேன் என்பதால் அவரின் கருத்தை மறுபதிப்பு செய்கிறேன் என்பதை தவிர வேறு ஒன்றும் இல்லை.

மனிதம் மிளிர்கிறது

அது ஒரு மாலை நேரம். இடம் நியூயார்க்கின் ப்ரூக்ளின் நகரம். அங்குள்ள குறைபாடுகள் உள்ள சிறுவர், சிறுமியர் படிக்கும் பள்ளியில் ஒரு விழா நடந்து கொண்டிருக்கிறது. அப்போது ஒரு சிறுவனின் தந்தை பேசிய பேச்சு அங்கு வந்திருந்த அனைவர் மனதையும் கரைத்து அது மறக்க முடியாத பேச்சாக அமைந்தது..

அவர் குறைபாடுள்ள குழந்தைகளைப் பெற்ற பெற்றோர் படும் மன வேதனைகளை மிக உருக்கமாகச் சொன்னார். “...... இறைவன் படைப்புகள் எல்லாம் அற்புதமானது, நிறைவானது, குறைபாடில்லாதது என்று எப்படிச் சொல்ல முடியும்? சாதாரண குழந்தைகள் சாதாரணமாகச் செய்ய முடிந்த எத்தனையோ வேலைகள் என் மகன் ஷாயாவால் முடிவதில்லை. அவனால் சின்னச் சின்ன தகவல்களைக் கூட நினைவில் வைத்துக் கொள்ள முடிவதில்லை. அவனால் செய்ய முடிந்தவைகளை விட செய்ய முடியாதவை தான் அதிகம். செய்ய முடிந்தவைகளைக் கூட அரைகுறையாய் தான் செய்ய முடிகிறது. அப்படி இருக்கையில் இறைவன் படைப்பில் நிறைவு உள்ளது என்பதை எப்படி நம்மால் கூற முடியும்?”

அவர் உருக்கமாகக் கேட்டு விட்டு அங்கு கூடியிருந்தோரைப் பார்த்தார். அத்தனை பேரிடமும் அதற்கு பதில் இருக்கவில்லை. அத்தனை பேரும் அந்த மனிதரின் மன வலியை உணர்ந்தவர்களாக மௌனமாக இருந்தார்கள். அந்தத் தந்தை சொன்னார். “நான் நம்புகிறேன், இது போன்ற குழந்தைகளைப் படைக்கும் இறைவன் நிறைவை அந்தக் குழந்தைகளிடம் பழகும் மனிதர்களிடம் தான் எதிர்பார்க்கிறான். இது என் மகன் வாழ்க்கையில் நடந்த ஒரு சம்பவத்தின் போது நான் புரிந்து கொண்டேன்....” அவர் அந்த நிகழ்ச்சியை மிகவும் நெகிழ்ச்சியுடன் விவரித்தார்.

ஒரு நாள் மதிய வேளையில் அவரும் அவர் மகன் ஷாயாவும் ஒரு விளையாட்டு மைதானம் அருகில் நடந்து சென்று கொண்டிருந்தார்கள். அந்த மைதானத்தில் சில சிறுவர்கள் தளப்பந்து (base ball) விளையாடிக் கொண்டிருந்தார்கள். ஷாயா அந்தச் சிறுவர்கள் விளையாடுவதைப் பார்த்து தன் தந்தையிடம் கேட்டான். “அப்பா அவர்கள் என்னையும் அந்த விளையாட்டில் சேர்த்துக் கொள்வார்களா?”
அவருக்குத் தன் மகனால் அந்த விளையாட்டைத் திறம்பட விளையாட முடியாது என்பதில் சந்தேகம் இல்லை. ஆனால் அந்த சிறுவர்களோ மிகத் தீவிர ஈடுபாட்டுடன் சிறப்பாக விளையாடிக் கொண்டிருந்தார்கள். அவர்களிடம் சென்று கேட்கவே தயக்கமாக இருந்தாலும் அவர் முயற்சி செய்து பார்ப்பதில் தவறில்லை என்று எண்ணினார். தயக்கத்துடன் சென்று ஒரு சிறுவனிடம் கேட்டார். “என் மகனும் ஆட ஆசைப்படுகிறான். அவனையும் சேர்த்துக் கொள்வீர்களா?”

அந்த சிறுவன் ஷாயாவைப் பார்த்தான். பார்த்தவுடனேயே அவன் குறைபாடுள்ள சிறுவன் என்பதை அந்த சிறுவன் புரிந்து கொண்டான். தன் நண்பர்களைப் பார்த்தான். அவர்கள் ஒன்றும் சொல்லவில்லை. அவன் ஷாயாவின் முகத்தில் தெரிந்த ஆர்வத்தைப் பார்த்து மனம் இளகியவனாக அவரிடம் சொன்னான். “நாங்கள் இப்போது எட்டாவது இன்னிங்க்ஸில் இருக்கிறோம். இப்போதே ஆறு ரன்கள் குறைவாக எடுத்து பின்னணியில் இருக்கிறோம். என்னுடைய டீமில் அவனைச் சேர்த்துக் கொள்கிறேன். ஒன்பதாவது இன்னிங்க்ஸில் அவனுக்கு பேட்டிங் தருகிறோம்”

அதைக் கேட்டு ஷாயாவின் முகத்தில் தெரிந்த மகிழ்ச்சியைப் பார்த்த தந்தையின் மனம் நிறைந்தது. ஷாயா அந்த விளையாட்டுக்காக கையுறையை மாட்டிக் கொண்டு மைதானத்தில் பெருமிதத்துடன் போய் நின்றான். ஆனால் அந்த விளையாட்டின் எட்டாவது இன்னிங்க்ஸிலன் இறுதியில் ஷாயாவை சேர்த்த அணி மூன்று ரன்கள் மட்டுமே பின்னணியில் இருந்தது. நன்றாக ஆடத் தெரிந்தவன் ஆடினால் அவர்கள் அணி வெற்றி பெறும் வாய்ப்பு இருக்கிறது. அப்படி ஒரு இக்கட்டான கட்டத்தில் ஷாயாவை அவர்கள் ஆட விடுவார்களா என்ற சந்தேகம் அவன் தந்தைக்கு வந்தது.

ஆனால் சொன்னபடி ஷாயாவை ஆட அவர்கள் அனுமதித்தார்கள். ஷாயாவிற்கு அந்த பேட்டை சரியாகப் பிடிக்கவே தெரியவில்லை. அவனை ஆட அனுமதித்த சிறுவன் பேட்டை எப்படிப் பிடிக்க வேண்டும் என்று சொல்லித் தந்தான். பந்து எறியும் சிறுவன் சற்று முன்னால் வந்து அந்தப் பந்தை மென்மையாக வீசினான். அந்தப் பந்தை ஷாயா அடிக்க உதவ வேண்டும் என்பது அவன் எண்ணமாக இருந்தது. அந்தப் பந்தை அவன் அப்படி வீசியும் ஷாயாவால் பேட்டால் அடிக்க முடியவில்லை. அடுத்த முறை ஷாயாவின் அணிச் சிறுவன் ஒருவன் ஷாயாவுடன் சேர்ந்து பேட்டைப் பிடித்துக் கொண்டான்.

பந்தெறிபவன் அடுத்த முறையும் சற்று முன்னால் வந்து மென்மையாகவே வீசினான். ஷாயாவும், அவனுடைய சகாவும் சேர்ந்து இந்த முறை பந்தை அடித்தார்கள். அந்தப் பந்து குறைவான வேகத்தோடு ப்ந்தெறிபவன் காலடியில் வந்து விழுந்தது. அவன் அதை எடுத்து முதல் தளக்காரனிடம் எடுத்து வீசினால் ஷாயா ஆட்டமிழந்து அவன் அணியும் தோற்று விடும்.

ஆனால் அந்தப் பந்தெறிபவன் வேண்டுமென்றே அதை மிக உயரமாகத் தூர வீச ஷாயாவின் அணியினர் கத்தினார்கள். “ஷாயா ஓடு. வேகமாக முதல் தளத்துக்கு ஓடு...” ஷாயா இப்படியொரு நிலையை எதிர்பார்த்திருக்கவில்லை. அவன் ஒரு கணம் திகைத்து பின் தலை தெறிக்க ஓடினான். முதல் தளத்தை அவன் அடைந்த போது அந்தப் பந்தை எதிரணிச் சிறுவன் எடுத்தான். முதலில் பந்தெறிந்தவனுடைய எண்ணம் அவனுக்கும் புரிந்திருந்தது. ஒரு ரன் எடுத்து முடித்த நம்ப முடியாத மகிழ்ச்சியில் இருந்த ஷாயாவின் முகத்தைப் பார்த்தவன் அந்த பந்தை தன் அணிக்காரன் எளிதில் பிடிக்க முடியாதபடி வீசினான்.

மைதானத்தில் “ஷாயா ஓடு. இரண்டாம் தளத்திற்கு வேகமாக ஓடு” என்ற சத்தம் பலமாக எழுந்தது. ஷாயா மீண்டும் தன்னால் முடிந்த வரை தலை தெறிக்க ஓடினான். இப்படியே அந்த ஆட்டத்தில் ஷாயாவை நான்கு ரன்கள் எடுக்க வைத்தார்கள். ஷாயாவின் அணி வெற்றி பெற்றது..

நான்காவது ரன்னை எடுத்து முடித்த போது மைதானத்தில் பதினெட்டு ஆட்டக்காரச் சிறுவர்களும் ஷாயாவைத் தோள்களில் தூக்கி ஆட்ட நாயகனாகக் கொண்டாட ஷாயாவின் முகத்தில் தெரிந்த மட்டில்லாத மகிழ்ச்சியைக் கண்ட அந்த தந்தை கண்ணில் அருவியாகக் கண்ணீர் வழிந்தது.

அதைச் சொல்லும் போதும் அந்தத் தந்தை கண்களில் கண்ணீர். “அன்றைய தினத்தில் அந்த பதினெட்டு சிறுவர்களும் இறைவனின் படைப்பின் நிறைவை எனக்குத் தெரியப்படுத்தினார்கள். என் மகன் அது வரை அவ்வளவு மகிழ்ச்சியாகப் பெருமையுடன் நின்றதைக் காணும் பாக்கியம் எனக்கு இருக்கவில்லை. அந்த நாள் என் மகன் வாழ்விலும், என் வாழ்விலும் மறக்க முடியாத நாளாகி விட்டது....”

அந்த சிறுவர்களுக்கு ஒவ்வொரு விளையாட்டிலும் வெல்லத் துடிக்கிற வயது. அவர்களுக்கு வெற்றி மிக முக்கியம். வாழ்வில் பெரிய பெரிய சித்தாந்தங்கள் எல்லாம் அறிந்திருக்கும் வயதோ, பக்குவமோ இல்லாத வயதினர் அவர்கள். அவர்கள் அன்று முன்பின் அறியாத ஷாயா என்ற குறைபாடுள்ள சிறுவனிடம் காட்டிய அன்பும், பரிவும் ஒப்புயர்வில்லாதவை. அவர்கள் அந்தச் சிறுவனை வெற்றி பெறச் செய்த செயல் சாமானியமானதல்ல.

இது போன்ற செயல்களில் தான் உண்மையாக மனிதம் மிளிர்கிறது. அந்த விளையாட்டை ஷாயாவின் வீட்டார்கள் ஆடி அவனை வெற்றி பெறச் செய்திருந்தால் அது செய்தியல்ல. முன்பின் அறியாத சிறுவர்களிடம் இருந்து அந்த அன்பு பிறந்தது தான் வியப்பு. அது தான் மனிதம்.

இது போன்ற மனிதம் மிளிர பெரிய பெரிய தியாகங்கள் கூடத் தேவையில்லை. மிகப் பெரிய நிலையில் இருக்க வேண்டியதில்லை. தங்களைப் பெரிதும் வருத்திக் கொண்டு யாருக்கும் யாரும் எதுவும் செய்ய வேண்டியதில்லை. தினசரி வாழ்க்கையில் நம்முடைய அன்பான சிறிய செயல்களால், சிறிய விட்டுக் கொடுத்தல்களால் பெரிய மகிழ்ச்சியை அடுத்தவர்கள் மனதில் ஏற்படுத்த முடியும். அதுவே மனிதம்.

இந்த மனிதம் பலவீனர்களைப் பார்க்கிற போது பலசாலிகளுக்கு வந்தால், இல்லாதவர்களைப் பார்க்கிற போது இருப்பவர்களுக்குள்ளே எழுந்தால், வேதனையிலும், துக்கத்திலும் இருப்பவர்களைப் பார்க்கையில் அவற்றை நிவர்த்தி செய்ய முடிந்தவர்கள் மனதில் மலர்ந்தால் இந்த உலகம் சொர்க்கமாக அல்லவா மாறி விடும்! நம்மால் முடிந்த சந்தர்ப்பங்களில் எல்லாம் அது போன்ற ஒரு சொர்க்கத்தை உருவாக்க நாம் முயற்சிப்போமா?

ராஜ்யசபா தேர்தல்: தி.மு.க., வேட்பாளர்கள் மூவருக்கும் கோடிக்கணக்கில் சொத்து

2010-06-03T23:47:00.002+05:30

ராஜ்யசபா தேர்தலில் போட்டியிட தி.மு.க., வேட்பாளர்கள் மூவரும் நேற்று மனு தாக்கல் செய்தனர். மூவருமே கோடிக்கணக்கில் சொத்துக் கணக்கு காட்டியுள்ளனர்.

ராஜ்யசபா தேர்தலில் தி.மு.க., சார்பில் தேர்ந்தெடுக்கப்பட உள்ள வேட்பாளர்கள் அறிவிக்கப்பட்டனர். செல்வகணபதி, கே.பி.ராமலிங்கம், தங்கவேலு ஆகிய மூவரும் நேற்று மனு தாக்கல் செய்தனர். மூவரது மனுக்களிலும், முதல்வர் கருணாநிதி, துணை முதல்வர் ஸ்டாலின், அமைச்சர் ஆற்காடு வீராசாமி மற்றும் அமைச்சர்கள், எம்.எல்.ஏ.,க்கள் முன் மொழிந்து கையெழுத்திட்டிருந்தனர்.சட்டசபை செயலரான தேர்தல் அதி காரி செல்வராஜிடம் இவர்கள் மூவரும் நேற்று காலை மனு தாக்கல் செய்தனர். அப்போது, துணை முதல்வர் ஸ்டாலின், மத்திய அமைச்சர் அழகிரி மற்றும் மத்திய, மாநில அமைச்சர்கள் உடனிருந் தனர். மனுவுடன், மூவரும் தங்களது சொத்துக் கணக்கை தாக்கல் செய்துள் ளனர்.

கே.பி.ராமலிங்கத்துக்கு 23 லட்சத்து 89 ஆயிரத்து 850 ரூபாய் வங்கிகளில் இருப் பாகவும், கையில் ரொக்கமாக ஆயிரம் ரூபாயும் உள்ளது. அவரது மனைவிக்கு மொத்தம் ஐந்து லட்சத்து எட்டாயிரத்து 223 ரூபாய் வங்கிகளில் இருப்பாகவும், 5,000 ரூபாய் கையிலும் உள்ளது.கே.பி.ராமலிங்கத்திடம் வேளாண் நிலங்கள், வணிக கட்டடங்கள் மற்றும் வீடுகள் என ஒரு கோடியே 57 லட்சம் ரூபாய் மதிப்புக்கு சொத்து உள்ளது. அவரது மனைவி பெயரில் இரண்டு கோடியே 44 லட்சம் ரூபாய் மதிப்புக்கு சொத்து உள்ளது. மனைவி வசம் 16 லட்சம் ரூபாய் மதிப்புக்கு 200 சவரன் நகைகள் உள்ளன.வாகனங்களை பொறுத்தவரை, 11 லட்சத்து 75 ஆயிரம் ரூபாய் மதிப்புக்கு, "மாருதி ஸ்விப்ட்' உட்பட மூன்று கார்கள் உள்ளன. ஒன்பது லட்சத்து 66 ஆயிரத்து 419 ரூபாய் மதிப்புக்கு எல்.ஐ.சி., பாலிசிகளும், இரண்டு லட்சம் ரூபாய் மதிப்புக்கு ஸ்டேட் பாங்க் பாலிசியும், கே.பி.ராமலிங்கம் எடுத்துள்ளார். இவரது கணக்குப்படி, இவரது பெயரில், ஒரு கோடியே 92 லட்சத்து 65 ஆயிரத்து 850 ரூபாய்க்கும், இவரது மனைவி பெயரில் இரண்டு கோடியே 65 லட்சத்து 13 ஆயிரத்து 223 ரூபாய்க்கும் சொத்துக்கள் உள்ளன.

செல்வகணபதி தாக்கல் செய்துள்ள மனுவில், தன் மீது ஐந்து வழக்குகள் உள்ளதாகவும், இதில் இரண்டு வழக்கு களில் விடுதலை ஆகிவிட்டதாகவும், மீதம் மூன்று வழக்குகள் ஐகோர்ட்டில் மேல்முறையீடு செய்யப்பட்டு, நிலுவை யில் உள்ளதாகவும் தெரிவித்துள்ளார். இவர் கையிருப்பாக 13 லட்சம் ரூபாயும், வங்கிகளில் டிபாசிட் ஆக நான்கு லட்சத்து 43 ஆயிரத்து 529 ரூபாயும் உள்ளன. இவரது மனைவி பாப்பு வசம் ஐந்து லட்சம் ரூபாய் கையிருப்பாகவும், இரண்டு லட்சத்து 48 ஆயிரம் ரூபாய் வங்கிகளிலும் உள்ளன. மகன் அரவிந்த கணபதி வசம் கையிருப்பாக 25 ஆயிர மும், வங்கிகளில் 28 ஆயிரத்து 500 ரூபாயும் உள்ளன. இன்னொரு மகன் அஸ்வின் கணபதி வசம் 25 ஆயிரம் ரூபாய் கையிருப்பாகவும், வங்கிகளில் 58 ஆயிரம் ரூபாயும் உள்ளன.இவரது மனைவி பாப்பு வசம் ஐ.சி. ஐ.சி.ஐ., வங்கியில் 10 ஆயிரம் ரூபாய் பங்குகளும், 3.74 லட்சம் ரூபாய்க்கு நகைகளும் உள்ளன. செல்வகணபதி வசம் வேளாண் நிலம் மற்றும் வணிக கட்டடங்கள் வீடுகள் என ஒரு கோடியே ஒரு லட்சம் ரூபாய் மதிப்புக்கு சொத்துக்கள் உள்ளன. மனைவி பெயரில் ஒரு கோடியே 33 லட்சம் ரூபாய் மதிப்புக்கு சொத்து உள்ளது. இவரது மகன்கள் பெயரில் தலா 60 லட்சம் ரூபாய் மதிப்புக்கு சொத்து உள்ளது. இவருக்கு 39 லட்சம் ரூபாய் கடன் உள்ளது.இதன்படி, செல்வகணபதி பெயரில் ஒரு கோடியே 18 லட்சத்து 43 ஆயிரத்து 529 ரூபாய் மதிப்புக்கும், இவரது மனைவி பெயரில் ஒரு கோடியே 43 லட்சத்து 32 ஆயிரம் ரூபாய் மதிப்பிலும், மகன் பெயரில் 60 லட்சத்து 53 ஆயிரத்து 500 ரூபாய்க்கும், இன்னொரு மகன் பெயரில் 60 லட்சத்து 83 ஆயிரம் ரூபாய்க்கும் என மொத்தம் மூன்று கோடியே 83 லட்சம் ரூபாய் மதிப்புக்கு சொத்துக்கள் உள்ளன.

தங்கவேலுவை பொறுத்தவரை, கையிருப்பாக 22 ஆயிரத்து 500 ரூபாயும், மனைவி பாக்கியம் வசம் கையிருப்பாக 22 ஆயிரத்து 500 ரூபாயும், மகன் ராஜ ராஜன் வசம் 39 ஆயிரம், மகள் ரேணுகா வசம் 19 ஆயிரம் ரூபாயும் உள்ளது. கார் இரண்டு லட்சம் ரூபாய் மதிப்புக்கும், நான்கு லட்சம் ரூபாய் திப்புக்கு நகைகளும், 10 லட்சம் ரூபாய் மதிப்புக்கு பெட்ரோல் பங்க் ஒன்றும் உள்ளன.மனைவி வசம் 50 லட்சம் ரூபாய் மதிப்புள்ள 3,200 கிராம் நகைகளும், மகள் வசம் 40 லட்சம் ரூபாய் மதிப்புள்ள 2,400 கிராம் நகைகளும் உள்ளன. நிலங்களை பொறுத்தவரை ஒரு கோடியே 28 லட்சம் ரூபாய் மதிப்புக்கு நிலமும், மனைவி பெயரில் 3.5 லட்சம் ரூபாய் மதிப்புக்கு நிலமும், மகன் பெய ரில் 3.5 லட்சம் ரூபாய் மதிப்புக்கு நில மும் உள்ளன. வீட்டுக்கடன், கார் கடன், டிரக் கடன் என 25 லட்சத்து ஏழாயிரம் ரூபாய் மதிப்புக்கு கடன் உள்ளது.தங்கவேலுவுக்கு மொத்தம் ஒரு கோடியே 44 லட்சத்து 22 ஆயிரத்து 500 ரூபாய் மதிப்புள்ள சொத்துக்களும், அவரது மனைவி பெயரில் 53 லட்சத்து 72 ஆயிரத்து 500 ரூபாய்க்கும், மகன் பெயரில் 40 லட்சத்து 39 ஆயிரம் ரூபாய்க்கும், மகள் பெயரில் 36 லட்சத்து 69 ஆயிரம் ரூபாய்க்கும் சொத்துக்கள் உள்ளன.

நன்றி - தினமலர்

கோபாலபுரம் வீட்டை தானமாக வழங்கினார் முதல்வர்

2010-06-03T23:30:00.002+05:30

சென்னை : முதல்வர் கருணாநிதி தன் கோபாலபுரம் இல்லத்தை, ஏழைகளுக்கு இலவச மருத்துவ சிகிச்சை அளிக்கும் வகையில், "கலைஞர் கருணாநிதி மருத்துவமனை' அமைப்பதற்காக அஞ்சுகம் அறக்கட்டளைக்கு நேற்று தானமாக வழங்கினார்.

உலக அன்னையர் தினம்

2010-05-08T23:02:00.003+05:30

உலக அன்னையர் தினம் -
இந்தியாவில் மே மாதம் 2ம் ஞாயிறன்று கொண்டாடப்படுகிறது.

பெண்ணை படைத்தான்,மண்ணை படைத்தான்

காற்றும், மழையும், ஒளியும் படைத்தான்

பூமிக்கு அதனால் நிம்மதி இல்லை

சாமி தவித்தான்.

தாயைப்படைத்தான்.

உயிரும் நீயே!! உடலும் நீயே
உறவும் நீயே !!!!!!!!!! தாயே

தன் உடலில் சுமந்து

உயிரைப்பகிர்ந்து

உறவும் தருவாய் நீயே.....

நம்மை கருவாக சுமந்து

கனவாக நினைத்து

கவனமாய் நடந்து

உதிரத்தை உணவாக்கி

உடலை தொட்டிலாக்கி

ஈரைந்து மாதம் சுமந்து

ஈன்றெடுத்து

பாலுட்டி, சீரட்டி

வளர்த்த நம் அன்னையரை

கொண்டாடுவோம்.......

அன்னையர் தின வாழ்த்துக்கள்

அன்னையர் தினமொட்டி எம் நண்பன் ம.போ எழுதிய கவிதை

அம்மா.....அன்று நீங்கள்

என் பாதங்களை

பாதிப்புகளிலிருந்து

பாதுக்காக....

உன்பாதத்தில் என் பாதத்தை வைத்து

பாதுகாவினை(காலணி) பாசமாய்

அணிவித்தாய்.....

உன்னில் ஒரு மருத்துவ குணத்தை

நானின்று உண்ர்ந்தேனம்மா....

நான்...

சிறகு முளைக்காத சிட்டுக்குருவியாய்

சிகரங்ளைத் தொடத்தாவியபோது

எனை உன் சிர மேல் தூக்கி வைத்து

சிறகானாய்.... நீ எனக்கு....

உலகினை நீ எனக்கு அடையாளம்

காட்டியதை நானின்று அறிந்தேனம்மா...

நான்....

வாழ்க்கையெனும் ஓடத்தில்

தடுமாறமாறும் போது..

தோளோடு தோள் சேர்த்து

தட்டிகொடுத்து தாயுள்ளத்தோடு

தாங்கமும் செய்தாய்....

வாழ்க்கையின் வசந்தங்களையும்

வலிகளையும் நீயன்று உணர்த்தியதை

நானின்று உணர்ந்தேனம்மா

நான்....

மாணவனாயிருந்தபோது

பள்ளிப்பாடத்தோடு

வாழ்க்கைப் பாடத்தையும்

சேர்த்தே கற்றுகொடுத்தாய்...

நீ அன்ர்றெனக்கு....

சொல்லித்தந்த வாழ்க்கைப்பாடம் தான்

இன்றும் என்னை.....

வாழ வைத்துக்கொண்டிருக்கிறது...

உன்னில் ஒரு நல்லாசானை

நானின்று உணர்ந்தேனம்மா....

நான்...

களைப்பினால்...

கண்ட இடங்களில்

கண்மூடித் தூங்கிடுவேன்

என நினைத்து..உன் தோளில்

எனை சாய வைத்து.....

சந்தோஷப் பட்டாயம்மா.....

தாயுள்ளத்தை நீ எனை

தாங்கியதை உன் ஸ்பரிசத்தால்

நானின்று உணர்ந்தேனம்மா...

அம்மா...

உன் வசிப்பிடம் பட்டணமானதால்

என் பாட்டி என்னோடு இல்லை

இருந்தும்....

உன் அம்மாவும் பாட்டியும்

உனக்கு சொன்னக் கதைகளை

எனக்கும் சொன்னாய்.....

நம் தலைமுறைகளின் வேர்களை...

ஊன்றியதை என்னில்....

நானின்று உணர்ந்தேனம்மா

அம்மா...

நான் தனியாய்....

தவழ்ந்த காலங்களில்

என் கைகால்களையாட்டி

கெக்கே பிக்கேயென்று குரெழுப்பி

நான் தனியாய்....

விளையாடிய போது

நீ துணையாய்.... என்னுடன்

விளையாடி இன்புற்றாய்...

நீ நல்லத் தோழியாய்

தோள்க் கொடுத்ததை என்னில்

நானின்று உணர்ந்தேனம்மா....

அம்மா....

கால் முளைத்த நாள் முதலாய்....

நான் ஆட்டம் போட்டு...

அழுக்கான என் ஆடகைளை

அழுக்கறத் துவைத்து...

வரிசையாய் கொடியில் காய வைத்து

அழகாய் அடுக்கிவைத்தாய்.......

நீ எனக்கு ....

செயல் நேர்த்தியை உணர்த்தினாய்...

அன்று நீ உணர்த்தியதுதான்

இன்றுமெனை செயல் நேர்த்தியோடு

வாழ வைத்திருக்கிறது....

அம்மா...

நான் கேட்காமல்...

அத்தனையும் எனக்காய் செய்தாய்...

நான் உனக்காய் என்ன செய்யப்போகிறேன்

பட்டணத்தில் உனைப்பிரிந்திருந்த போதும்

நான் உணர்கிறேன் அம்மா உன் குரலை

எனக்கென்று எதுவும் வேண்டாமென

நீ சொல்வதை....

ஆனாலும்...

அடி மனதில் ஒரு அழுத்தம்...

எதாவது செய்ய வேண்டும்

நான் உனக்கு.... ஆம்

அடுத்தத் தலைமுறை அம்மாக்களுக்கும்

உன்னில் என்னையுணர்ந்த

நுகர்ந்த நல் உன் உணர்வுகளை

என்றும் உணர்த்துவெனம்மா......

நேசிக்கக் காரணம்

2010-05-06T00:00:00.002+05:30

ஏன் என்னை நேசிக்கிறாய்?
ஏன் என்னை விரும்புகிறாய்?

என்னால் காரணத்தை சொல்ல முடியாது....
ஆனால் உண்மையில் உன்னை நேசிக்கிறேன்.

என்னிடம் கூட உன்னால் காரணத்தை
சொல்ல முடியாதென்றால்
என்னை நேசிப்பதாக எப்படி சொல்கிறாய்??
என்னை விரும்புவதாக எப்படி சொல்கிறாய்?

உண்மையில் எனக்கு காரணம் தெரியவில்லை..
ஆனால் உன்னை நான் நேசிக்கிறேன்.

இல்லை !நீ எனக்கு காரணத்தை சொல்லியே ஆகவேண்டும்.
என் சிநேகிதியின் நண்பன் அவளிடம் அவன்
நேசிப்பதன் காரணத்தை சொல்கிறான்.
நீ என்னிடம் சொல்ல மறுக்கிறாய்..

சரி!!! சரி!!!
எனென்றால் நீ அழகாய் இருக்கிறாய்
உன் குரல் இனிமையாய் உள்ளது
நீ அக்கறையாய் உள்ளாய், அன்பாய் உள்ளாய்
புத்திசாலியாய் , புன்னகையுடன் கூடியவ்ளாய்
உன்னுடைய ஒவ்வொரு நடத்தையிலும்
என அனைத்தும்

எதிர்பாரதவிதமாக,
சிலநாள் கழிந்த , ஒருநாள்
அவள் விபத்தினை சந்திக்கிறாள்
விளைவு......
நிரந்தரமாய் ஆறாத சில
பல ரணங்களுடன்,
இழப்புகளுடன்....

அவன்...
அவள் அண்டையில், பக்கத்தில்
ஒரு கடிதம் வைக்கிறான்.
அந்த காகிதம் கொண்டிருந்த சேதி.....??????????!!!!!

என் அன்பானவளே!!!

உன் குரல் இனிமையாய் இருக்கிறது என
உன்னை நேசித்தேன்.
ஆனால் உன்னால் இப்பொழுது பேச முடியாது.
அதனால் உன்னை நான் விரும்பவில்லை

நீ அக்கறையாய் உள்ளாய் , அன்பாய் உள்ளாய்
என்பதானால் நேசித்தேன்.
ஆனால் இப்போது உன் அன்பை காட்ட உன்னால் இயலாது
அதனால் உன்னை நான் விரும்பவில்லை

புத்திசாலியாய் , புன்னகையுடன் கூடியவ்ளாய்
உன்னுடைய ஒவ்வொரு நடத்தையிலும் உனை நேசித்தேன்
உன்னால் இப்பொழுது புன்னகைக்க இயலுமா?
சில அடிகள் நடக்க இயலுமா? -- இயலாது
அதனால் உன்னை நான் விரும்பவில்லை

இப்பொழுது, உன்னை நேசிக்கக் காரணம் வேண்டுமா?
நான் உன்னை நேசிக்கக் எந்த காரணமும் தேவையில்லை
எப்பொழுதும் தேவையில்லை
அன்புகாட்ட, நேசிக்கக் காரணம் தேவையில்லை
அதனால் நான் உன்னை நேசிக்கிறேன்
எப்பொழுதும் நேசிப்பேன்.

தன்னம்பிக்கையை வளர்த்துக்கொள்ள சில விரைவான, எளிய வழிமுறைகள்.

2010-05-05T00:37:00.000+05:30

மினனஜ்சலில் வந்தது. மொழியாக்கம் செய்தது மட்டுமே நான். மின்னஞ்சல் அனுப்பிய நண்பருக்கு நன்றி.

தன்னம்பிக்கையை வளர்த்துக்கொள்ள சில விரைவான, எளிய வழிமுறைகள்.

தன்னம்பிக்கையை வளர்த்துக்கொள்வது என்பதை ஒரு செயலாக, கொள்கையாக கொண்டு செயல்பட்டால்நாள்தோறும், பல செயல்களை செய்வதற்கு, நமது தன்னம்பிக்கையின் செயல் ஊக்கியாக இருக்கும், ஒவ்வொரு சிறிய முயற்ச்சியும் உங்களது இலக்கை அடைய உதவும்.
தன்னம்பிக்கை என்பது குறிப்பிட்ட அளவினது அல்ல, அதற்க்கு ஒருவறை இல்லை,
வளரக்கூடியது என்பது மிகவும் நல்ல விசயம்.

பின்வரும் சில செயலகள் உங்களின் தன்னம்பிக்கையை உயர்த்த உதவும்., முயற்ச்சித்துப்பாருங்கள்.
1). உங்களை நீங்களே அடையாளம் காண்பது.
ஒவ்வொரு மனிதனிடமும் ஒரு சிறந்த சக்தி இருக்கிறது. அதுவே அவனை கலைஞனாக, ஓவியனாக, அறிஞனாகசமூகத்தில் பெரியமனிதனாக உதவுகிறது. உங்களுக்குள்ளும் ஒரு சக்து உண்டு. அதனை கண்டறிந்து , வெளிக்கொணர முயலுங்கள்.

அந்தத் திறமையில் கவனம் செலுத்துங்கள், அதனை மேம்படுத்த முயலுங்கள்.அதனில் பெருமிதம் கொள்ளுங்கள்.உங்களின் திறமைக்கு நீங்களே பாரட்டுக்களை சொல்லுங்கள் (self appreciation) . தாழ்வு மனப்பானமை என்பது மனதை அடிமைப்படுத்தும்.அதற்க்கு இடம் கொடாதீர்கள்.

2)முகம் பார்த்து புன்னகையுங்கள்

அழகுக்கலைகள் குறித்த பல படிப்பினைகள், முகத்தில் உள்ள குறிப்புகள், முகத்தின் செயல்கள், மூளையின் செயல்களில் வெளிப்படுகின்றன என்கிறது.உங்களின் உணர்வுகளை பதிந்துகொள்கிறது. அதனை வெளிப்படுத்துகிறது.ஆகையால்,கண்ணாடிமுன் நின்று, முகத்தை பார்த்து புன்னகைக்கும் பொழுது அதன் மகிழ்ச்சி நாள்முழுதும் உற்சாகமாக , தன்னம்பிக்கையுடன் இருக்க நமது மனநிலையை தூண்டுகிறது.
3) உடற்பயிற்ச்சி மற்றும் ஆரோக்கிய உணவு:
உடற்பயிற்சி உடலின் செயல்பாடுகளை தூண்டிவிட்டு, மனமும், உடலும் ஆரோக்கியமாக இருக்க உத்விடுகிறது.இதனால் மகிழ்ச்சியான சூழ்நிலை உண்டாகிறது.உங்களின் தன்னம்பிக்கை அளவும் உயர்கிறது.
4) ஆக்க்ப்பூர்வமான செயல்களில் மனதை செலுத்துங்கள்

மனதில் கோபம், பொறாமை போன்ற எதிமறை எண்ணங்களில் இருந்த்து விடுபட்டு, அதனை உஙகளது குறிக்கோளை அடைய, தேவையான செயல்களில் நெறிப்படுத்துங்கள. அடுத்தவர்களைப்போல் இருக்க முயலாமல்,நமக்கு வேண்டியத்தோடு, அதனை அடைய செயல்படுங்கள்.
5).பாதுகாப்பற்ற, தோல்வியின் விளிம்ம்பில் நிற்பதுபோல், விரக்தியான மனநிலையில் இருந்தால், உங்களிடம் உள்ள நல்ல குணங்களை அல்லது நீங்கள் சாதித்த செயல்களை பட்டியலிட்டு எழுதுங்கள்.அதனை வாய்விட்டு வாசியுங்கள்.ஆச்சர்யகரமான மாற்றம் உங்களிடம் ஏற்ப்படுவதை காண்பீர்கள்.

6)உங்களை ஒருபடி உயர்த்திக்கொள்ள, உந்திக்கொள்ள தயங்காதீர்கள். அந்த சிறு அழுத்தம் உங்களுக்குள் இருக்கும் நல்லவற்றை உங்களின் திறமையை வெளிக்கொணரும். நீங்கள் எப்படி பட்டவர் என வெளிப்படுத்தும்.
7)கராத்தே, வாள்பயிற்ச்சி, போன்ற தற்காப்புக்கலைகள், உடலாரோக்கிய வகுப்புகள் போன்றவற்றில் பங்கு கொள்ளுங்கள். உங்களின் நம்பிக்கையயும், ஆரோக்கியத்திற்க்கும் இது உதவும்.நீச்சல் ஒரு நல்ல பயிற்ச்சி -வாழ்வில் எதிர்நீச்சல் போட விரும்புபவர் அனைவரும் நீச்சல் பழகவேண்டும்.
8).புதிய உடைகளை வாங்குங் கள்.பழைய ஆடைகளை தானம் செய்யுங்கள்.
இரண்டு செயல்களுமே உங்களை பார்வையிலும், செயலிலும் ஒரு நல்ல எண்ணத்தை உங்களுக்குள்ளும், மற்றவருக்கும் தோற்றம் கொடுக்கும்.
9).எப்பொழுதும் நேற்மறை எண்ணங்களை, என்னால் முடியும் எனும் ஆரோக்கியமான பேச்சுக்களை பேசுங்கள்.உங்களால் முடியது என மற்றவர் சொல்லும் செயல்களின் "நான் முடிப்பேன், என்னால் முடியும் " என செயல் படுங்கள்.எந்த செயலிலும் நீங்கள் முயற்ச்சி செய்யவில்லை என்றால், அது உங்களால் முடியுமா? முடியாதா? என எப்படி தெரியும்.
10)உங்களின் தவறுகளை மூடி மறைக்காதீற்கள். அது உங்களின் நல்ல செயல்களையும் மூடிமறைத்துவிடும்,உங்களின் வளர்ச்சியையும் தடுக்கும்.நல்ல , தீய செயல்களில் பெரிதாக மறைக்க ஒன்றும் இல்லை.
11).உங்களின் திறமையில் நீங்கள் குழப்பம் கொள்ளாதீர்கள். மற்றவருடன் ஒப்பிட்டு தங்களை தாழ்த்திகொள்வது மனித இயல்பே.அதனை மாற்ற முயற்சியுங்கள்.
12).உங்களௌ சுற்றி ஆரோக்கியமான, உற்ச்சாகமான நண்பர்களை வைத்திருங்கள்,
அதிகமாக விமர்சனம் செய்பவர்கள், கேலி செய்பவர்கள் உங்களை பாதுகாப்பற்ற, பலமற்றவனாக உங்களை எண்ணச்செய்வார்கள்.உங்களை துன்புறுத்தி, த்ன்னம்பிக்கையை குலைக்கும் செயலாக இருக்கும் அத்தகைய செயல்கள்.

தன்னம்பிக்கை குறித்த ஒரு சிறுகதை.

ஒரு மனிதன் , ஒரு எழை சிறுவன் ஒருவன் தனது விலை உயர்ந்த காரை (car) யே பார்ப்பதை பார்த்தான்

அந்த சிறுவனை உக்காரவைத்து கொஞ்சதூரம் ஓட்டினார்.
உங்களின் வாகனம் மிக அருமையாக இருக்கிறது , என்ன விலை என சிறுவன் கேட்டான்.
தெரியவில்லை, இது என் சகோத்ரன் எனக்கு பரிசளித்தது என்றார் அந்த மனிதர்.
அப்படியா!! அவர் மிகவும் நல்லவர் என சிறுவன் சொல்ல
நீ என்ன நினைக்கிறாய் என எனக்குத்தெரியும், உனக்கும் என் சகோதரனைப்போல் ஒரு சகோதரன் வேண்டும் என நினைக்கிறாய் அல்லவா
சிறுவன் சொன்னான். இல்லை , நான் அந்த உங்களின் சகோதரனைப்போல் இருக்கவேண்டும் என நினைக்கிறேன் என்றான்.

முயற்ச்சி திருவினையாக்கும்

முயன்றால் முடியும்
முயன்றால் மட்டுமே முடியும் - லேனா தமிழ்வாணன்

தெய்வத்தாள் ஆகாதெனினும் முயற்ச்சி மெய்
வருத்தக் கூலி தரும் - வள்ளுவன்
முயற்சி உடையார் இகழ்ச்சி அடையார் - அவ்வைப்பாட்டி

குடிமகனே.....................குடிமகனே.....................

2010-05-04T23:55:00.004+05:30

மது அருந்தக் காரணங்கள்

இதுவரை நான் குடித்த பீர் அனைத்தையும் யோசித்தால் எனக்கு அவமானமாக இருக்கிறது. பிறகு கண்ணாடி டம்ளரைப் பார்க்கிறேன். பீர் கம்பெனியில் வேலை செய்யும் அனைத்து தொழிலாளர்களின் நம்பிக்கைகளையும் கனவுகளையும் யோசிக்கிறேன். இந்த பீரை நான் குடிக்காமல் இருந்தால், அவர்களது கனவுகள் அனைத்து சுக்குநூறாகும். பிறகு நான் என்னிடமே சொல்லிக்கொள்கிறேன், ' சுயநலத்துடன் என்னுடைய ஈரலைப் பற்றிக் கவலைப்படுவதைவிட, இந்த பீரை குடித்து அவர்களின் கனவை நிறைவேற்றுவதே சிறந்தது என்று முடிவெடுக்கிறேன் '. - ஜாக் ஹாண்டி
*-----------------------------------------------*
குடிப்பதின் தீமைகளைப் பற்றி படித்ததும் விட்டுவிட்டேன் - படிப்பதை ஹென்றி யங்மேன்
*-----------------------------------------------*
குடிக்காதவர்களைப் பற்றி பரிதாபப்படுகிறேன். அவர்கள் காலையில் எழுந்ததும் அவர்கள் என்ன உணர்கிறார்களோ அதனைத்தான் நாள் முழுவதும் உணரவேண்டும
ப்ராங்க் சினாட்ரா
*-----------------------------------------------*
ஒரு புத்திசாலியான ஆள் சில நேரங்களில் முட்டாள்களுடன் நேரத்தை செலவழிப்பதற்காக குடிக்கும்படி ஆகிவிடுகிறது -

எர்னஸ்ட் ஹெமிங்வே
*-----------------------------------------------*24 மணி நேரங்கள் - ஒரு பெட்டி பீரில் 24 பீர் பாட்டில்கள். தற்செயலா என்ன ? - ஸ்டாபன் ரைட்
*-----------------------------------------------*
நாம் குடிக்கும்போது, நாம் குடிபோதை ஏறிவிடுகிறோம். நமக்கு நன்றாக குடிபோதை ஏறினால், நமக்கு தூக்கம் வந்துவிடுகிறது. நாம் தூங்கும்போது எந்தப் பாவத்தையும் பண்ணுவதில்லை. நாம் பாவம் பண்ணுவதில்லை என்றால் நாம் சொர்க்கத்துக்குப் போவோம். ஆஆஆகவே.... நாம் எல்லோரும் குடித்துச் சொர்க்கத்துக்குப் போவோம்.- ப்ரையன் ஓ-ரோர்க்கே
*-----------------------------------------------*கடவுள் நம்மிடம் அன்பு செலுத்துகிறார் என்பதற்கும் நாம் சந்தோஷமாக இருக்கவேண்டும் என்றும் விரும்புகிறார் என்பதற்கு பீரே அத்தாட்சி - பெஞ்சமின் ப்ராங்க்ளின்
*-----------------------------------------------*கடைசியாக ஒண்ணு. குடியப்பத்தி நம்மாளுங்க ஒண்ணுமே சொல்லலையன்ணு பார்த்தா.. நமக்காக, நம்மாளுகிட்ட இருந்து...குடி, ............குடி..........
ஆனால்குடி உன்னை குடித்துவிடாமல் பார்த்துக்கொள்......யாருன்னு கண்டுபிடிங்க பார்ப்போம்

முகமூடிக்கு பதில் கடிதம்

2010-04-30T23:34:00.004+05:30

அண்ணெ!!! முகமூடி யண்ணே
முதல்ல ரொம்ப சந்தோசம் அண்ணே.. ஏன்னா 25 பதிவு போட்டும் பெருசா யாரும் பதில் போடாதப்ப நீங்கதண்ணே முதல்ல
இத்தாசோட்டா போட்டிருக்கீங்க....அதுக்கு ஒரு நன்றீண்ணே.
அப்புறம் நான் ஒண்ணும் தமிழ் கலாச்சாரத்தோட அத்தாரிடி இல்லீங்கண்ணே. அப்புறம் என்னத்துக்கு இந்த பதிவுன்னுதான உங்க கேள்வி.அதுக்குத்தான்னே மேல நன்றி சொன்னென்.
தமிழ் கலாச்சாரம்னு மட்டும் இல்லேன்னே எல்லா கலாச்சாரத்துலயும் ஒரு மாற்றம் இருக்கும்னே. மாற்றம் மட்டுமே மாற்றம் இல்லாத்துன்னு ஒரு கம்யூனிச சொல்வழக்கு உண்டு இல்லண்ணே. உங்களுக்கு தெரியாததா...ஆனா என்னன்னே பண்ண ஊர்பக்கத்துல பிறந்த எனகெல்லாம் எதயும் ஏத்துக்க கொஞசம் நேரமாகும்ணே. நீங்கவேண்ணா செகுவேரா, இங்கர்சால் மாதிரி பெரிய சமுதாய புரட்சியாளரா இருக்கலாம்.நாங்க ரொம்ப சாதாரணமானவங்கண்ணே... இப்பத்தான் எங்க ஊர்பக்கம் எல்லாம் சுடிதார், நைட்டி எல்லாம் எட்டிப்பாக்குதுண்ணே. இன்னும் வேத்து ஆம்பிளைய கதவு மறைவிலைருந்த்து தாண்ணே எங்க பொம்பளைங்க பாக்குறாங்க. அதனாலதாண்ணே எனக்கு குஷ்பூ சொன்னது கஷ்டமா இருக்கு.

அப்புறம் அண்ணே ஏன் கிராமத்துல கள்ளத்தொடர்பு, ரெண்டு பொண்டாட்டி , பம்பு செட்டு கதை எல்லாம் இல்லையான்னு கேப்பீங்க. அது எல்லாம் இலைமறை காய்மறையா நடக்குறத இந்தம்மா வெட்டவெளிச்சமா பண்ண சொல்லுதூண்ணுதாண்ணே வேதனை. அண்ணே சேர்ந்து வாழுறதுன்னு(live together) ஒரு கலாச்சாரம் இப்ப நம்ம ஊர்ல பிரபலமாயிட்டு இருக்குண்ணே.அதுல அதிகம் பாதிக்கப்பட்றது யார் தெரியுமாண்ணே, ஊர்ல கட்டுப்பெட்டியா இருந்து நல்லா படிச்சு பெரிய பெரிய கம்பெனில வேளை பாக்குற நம்ம தெக்கத்திபொண்ணுதான்னே. திடீர்னு கெடச்ச சுத்ந்திரம் யோசிக்காம தப்பு பண்ண வைக்குதுண்ணே. ஏண்ணே இத நம்ம அக்கா, த்ங்கச்சி பண்ணா சந்தோசபடுவோமான்ணே.அப்புறம் நம்ம புள்ளங்க வேற, மத்தவங்க புள்ளங்க வேறயாண்ணே. ஒருவேளை உங்க விட்டு பொண்ணுங்க அப்பிடி இருக்க கூடாதுன்னு ஆண்டவன நான் வேண்டிக்கிட்டாலும் , நீங்க வருத்தப்படாம‘புரட்சி தலைவி’ குஷ்பு சொன்னமாரி அனுப்பிவைசாலும் வைக்கலாம் . என்ன நான் சொல்றது. உங்களுக்கு ஒத்து வாசிச்சு பதில் போட்ட உங்க கொள்கை சிங்கங்களும் அதையே செய்வாங்கன்னு நம்பலாம். ஏன்னா நிங்கெல்லாம் முற்போக்கு வாதிகள் இல்லையா.

அந்தம்மா அதத்தன அண்ணே பண்ணுச்சு. அப்புறம் எண்ணே மலேசிய கலைநிகழ்ச்சில அழுகணும்.

அப்புறம் அந்தம்மா என்ன சொன்னது என்ன? உறையப்போட்டுக்கோங்க,மத்திரை போட்டுக்கோங்கண்னுதான சொல்லிச்சு.
கருத்துசுதந்திரம் - அந்த எழவுதாண்ணே எல்லா பிரச்சினைக்கும் காரணம். ஏண்ணே இதயே நீங்களோ, நானோ சொல்லியிருந்தா ஈ, காக்கா கூட நம்மல கண்டுக்காதுண்ணே.ஏன்னா நம்மல யாருக்கும் தெரியாது. அதால நாம என்னா சொன்னாலும் யாருக்கும் தெரியாது. ஆனா அவங்க அப்பிடி இல்ல. ஒரு நடிகை, பப்ளிக் பெர்சனாலிட்டி. அதனாலதான் அபங்க சொன்னத கூர்ந்து கவணிக்கிறோம். கேள்வியும் வருது. இத பத்திரிக்கையும் , டீவியும் பெருசாக்கி காசாக்குறாங்க. அந்தக்கருமதத எல்லம் தான நம்ம வீட்டில பிள்ளைங்க பாக்குது. அதுல சொல்ற எல்லா விசயத்தயும் கப்புனு பிடிச்சிக்குது. அதுமாதிரி இந்தமேட்டர்லயும் , தப்புகிடயாதூ போலன்னு நினைச்சுரக்கூடாதில்ல. அந்த பயம்தாண்ணே. அதனாலதான் நம்மளைவிட அவங்கமாதிரி பிரபலம் எல்லாம் யோசிச்சு பேசணும். அவங்களுக்கு கருத்து சுதந்திரம் கிடயாதாண்ணு என்கூட சண்டைக்கு வற்ற உங்களுக்கு எனக்கும் அந்த கருத்து சுதந்திரம் உண்டூணு ஏன் தோணல்ல. என் கருத்த ஒரு பதிவ போட்டதாலதான, நீங்க கேக்குறீங்க, அதுமாதிரி அவங்க பத்திரிக்கைல சொன்னதாலதான மத்தவங்க கேக்குறாங்க. அழகிரிசொன்னா என்ன சுப்ரீம்கோர்ட் ஜட்ஜ் சொன்னதுக்கே எதிர் பதில் வந்திருக்குண்ணே.

சமீபத்தில கருத்தொருமித்த ஆணும் , பெண்ணும் சேர்ந்து வாழ்றதப்பத்தி சுப்ரீம்கோர்ட் சொன்ன கேவலமான கருத்துக்களையும் (அவங்க கேட்ட கேளிவி எல்லாம் அவங்க விட்டு பொம்பளைங்ககளுக்கும் பொருந்தும் இல்ல) ,அதுக்கு அதுக்கு ராமசேனை என்ற அமைப்பின் தலைவரான பிரமோத் முத்தாலிக்கின் கருதையும், சமூக ஆர்வலர்களின் கருத்துக்களையும் முடிஞ்சா தேடி படிங்க,அந்த கருத்தின் அடிப்படயிலதான் அத்தனை கேசயும் தள்ளுபடி பண்ணாங்களோ!!!!!!!!!!! என்னவோ

அப்புறம் பொதுவான சமாச்சாரத்துல , என் சொந்தசமாச்சாரத்தையும் இழுத்த உங்க கருத்துசுதந்திரத்தோட எல்லை எனக்கு எவ்வளவுன்னு தெரிஞ்சது. "முகமூடி" ன்ற உங்க பேருக்கு பின்னாடி இருக்க அருவெருப்பான , வக்கிரம் தெரியுது.ஆன அந்தக்கேள்விய உங்களைப்பாத்து நாந்தான் கேக்கணும். ஏன்னா என்மனைவிமட்டும் இல்ல எல்லாப்பொண்ணும் சுத்தமா இருக்கணும்னுதான நாங்க பேசுறோம் . அதத்தான நீங்களும் எதிர் பாக்குறீங்க .அத கேள்வியாக்கின குஷ்பூக்கு நீங்கதான ஆதரவா பதில் சொன்னவங்க. அதனால நீங்கதான் உங்க கேள்விக்கு பதில் சொல்லணும். கேள்வி பேச்சுக்குன்னாலும் ஏன் சொந்த விசயத்துல முக்க நுழைக்க உங்களுக்கு யார் அதிகாரம் கொடுத்தது. இதுதான் உங்க புரட்சிகரமான முற்போக்கோ . எண்ணே !! ஒரு வேலை நீங்க ஒரு பரத்தைக்கோ, இல்ல லைவ் டு கெதர் வாழ்ந்தவங்களுக்கோ வாழ்க்கை தரலாமே !!!
உங்க இடுகை பார்த்தேன். உங்களையும் புரிஞ்சது. உங்களுக்கு பதில் போடலாம்னுதான் வந்தேன் .ஆனா ப்லூகேர் எறோர் கட்டினதால பதில் போடமிடியாம ஒரு பதிவாவே போட்டேன் .

உலகத்தமிழ் மக்களுக்கு உன்னதமான செய்தி.

2010-04-30T00:27:00.002+05:30

உலகத்தமிழ் மக்களுக்கு உன்னதமான செய்தி.

சர்க்கரை பொங்கலும், நெய் சொட்ட கேசரியும் செஞ்சு ஊருக்கெல்லாம் கொடுங்க.
1000 வாலா பட்டாசு வெடிச்ச்சு கொண்டாடலாம்.

கருணாநிதி கிட்ட கேட்டா ஆண்டுதோறும் "பண்பாடு/கலாச்சாரதினம்" னு கொண்டாட அரசு விடுமுறைகூட விடுவாரு.மன்மோகன் சிங் தேசிய திருநாள்னுகூட சொல்லலாம்.
சேதி என்னன்னா?
நம்ம அக்கா, கோவில் கட்டி கொண்டாடின குல தெய்வம்.
இந்திய கலாச்சார/பண்பாட்டின் பிரதிநிதி "குஷ்பூ" வை
இந்திய உச்சநீதிமன்றம் , எழும்பூர் நீதிமன்றம் கொடுத்த
தீர்ப்பிலிருந்து விலக்களித்து, கூட்டான 22 வழக்குகளையும் தள்ளுபடி செஞ்சுட்டது.

என்ன வழக்கு அதானே அடுத்த கேள்வி:
கல்யாணத்துக்கு முன்னாடியே உடலுறவு வச்சுக்கிறது தப்பில்லைன்றது
அக்காவோட வாதம். அதத்தான் நம்ம சமுதாய காவலர்கள், கலாச்சார சீரழிவுன்னு நீதிமன்றம் போனாங்க.

அதோட கடைசி விடிவுதான்.
குஷ்பூ சொன்னது அவங்களும்க்கு வேண்ணா சரியா இருக்கலாம். அவங்களுக்கு அந்தமாதிரி பழக்கவழக்கங்கள் இருக்கலாம். இங்கனையே ஓடி, ஓடி உழைச்சவங்கதானே இந்த கற்புக்கரசி.கொஞச நாள் கார்த்திக், ரொம்பநாள் பிரபு,அப்புறம் மிரட்டி கல்யாணம் பண்ணின சுந்தர்.சி இதானே அவங்களோட சரித்திரம்.

இந்த அம்மா சொன்னத தமிழ் சினிமா உலகில இன்னொரு மேதாவி இருக்காங்களே சுகாசினி, அந்தம்மா இத ஆதரிச்சு வேற பேசினாங்க.
"பாய்ஸ்" படம் வந்தப்ப மலேசிய கலைநிகழ்ச்சியில அந்தப்படத்தப்பத்தி கடுமையா விமர்சனம் பண்ண மலேசியத்தமிழர்க்ள் கிட்ட அந்த வீணாப்போண படத்த ஆதரிச்சுப்பேசின அக்காவ, உங்க பிள்ளைகள இப்படி அனுப்புவீங்களான்னு கேட்டப்ப
நான் என்ன பேசுகிறேன்னு எனக்கு தெரியும்னு இப்ப பெருசா சொல்றவங்க, அப்ப ஏன் மேடையிலேயே கதறி அழுதாங்க.ஆமா, நான் என் பொண்ணுங்களை அனுப்புவேன்னு தைரியமா சொல்ல முடியல இல்ல. ஏன்னா ? ஊருக்குத்தான உபதேசம்.
பெரியார் படத்துல மணியம்மையாய் நடிக்க போனப்ப, இந்தம்மா நடிக்குறதை நான் படம் பிடிக்கமாட்டேன்னு சொல்லி மறுத்துப்போன தங்கர்பச்சான கைதட்டி பாராட்டலாம்.

அப்பயும் சரி, இப்பயும் சரி நம்ம பத்திரிக்கைகள் அதன பெரிய விசயமா முதல் பக்கத்துல போட்டு தமிழர்களோட அமோக ஆதரவோட கல்லா கட்டிட்டாங்க. கேட்டா பத்திக்கை சுதந்திரம். ஜனநாயகத்தூண். கொடுமட சாமி

அதவிட கொடுமை நேத்து NDTVல நடந்தது. இத ஒரு மேட்டருன்னு வழக்கம்போல 4 பேர் சுத்தி உக்காந்து விவாதம்வேற,

கஷ்டகாலம்......

"நெக்கத்" னு சொந்த்த்ப்பேர் கொண்ட இஸ்லாமிய பெண் , மும்பைல இருந்து நடிக்க, "குஷ்பூ" ன்னு பேர் மாத்தி,

உடை மாத்தி, ஆள் மாத்தி வாழ்ந்ததப்போல கலாச்சாரத்தயும், பண்பாட்டையும் மாத்திடலாம்னு நினைக்கிறங்க, அதற்க்கு உச்சநீதிமன்றமும் ஆதரவு கொடுக்குது போல.

கற்ப்பாம், மானமாம்' கண்ணகியாம், சீதையாம். அப்பிடின்னு ஒரு பழய தமிழ் பாட்டு உண்டு.
அந்தக்கதைதான் இதுவும்.
அப்புறம் இந்த தள்ளுபடியோட பிண்ணணியாக இருக்குமோன்னு யோசிக்கிறமாதிரி ஒரு செய்தி
அக்கா "குஷ்பூ" அரசியல்ல குதிக்கப்போறங்களாம். அதும் காங்கிரசை ஆதரித்து....
சோலையன் குடுமி சும்மா ஆடுமா!!!!!!!!!!!!!!!!
இத ஆபீஸ் மெயில்ல போட்டோப்பா என்னோட நண்பர் சொன்னாரு.
அது சோழியன் குடுமி சும்மாடு ஆகுமா , அதாவது சிதம்பரத்துல இருக்க சோழியன்(தீட்சிதர் ) குடுமி சும்மாடு ஆகாது ன்றதுத்கான் அதுன்னு சொன்னாரு .
அடடா எதையோ கிண்டப்போய் எத்தன நல்ல விசயமும் கிடக்குது .
பதில் கருத்தப்போடுங்க மறக்காம
ஓட்டையும் குத்துங்க

பாக்.கிற்கு உளவு பார்த்த இந்திய பெண் தூதரக அதிகாரி கைது

2010-04-27T23:17:00.004+05:30

பாகிஸ்தானுக்காக உளவு பார்த்த இந்திய பெண் தூதரக அதிகாரி கைது செய்யப்பட்டுள்ளார்.

இந்திய அயலுறவுத் துறை அமைச்சகத்தில் அதிகாரியாக பணியாற்றி வருபவர் மாதுரி குப்தா(53).இஸ்லாமாபாத்திலுள்ள இந்திய தூதரகத்தில், இரண்டாவது நிலை செயலர் அதிகாரியாக பணியில் இருந்த இவர், பாகிஸ்தானுக்காக உளவு பார்த்ததாக தெரிய வந்தது.

இதனையடுத்து கடந்த நான்கு தினங்களுக்கு முன்னதாக இவரை, பூடானில் நடைபெற உள்ள "சார்க்" மாநாடு தொடர்பாக விவாதிக்க வேண்டும் என்று கூறி, அவசரமாக டெல்லி வருமாறு அதிகாரிகள் தந்திரமாக அழைத்தனர்.

இதனையடுத்து மாதுரி குப்தாவும் டெல்லி வந்தார்.இந்நிலையில் கிழக்கு டெல்லியிலுள்ள அவரது வீட்டில் வைத்து இன்று பாகிஸ்தானுக்கு உளவு பார்த்த குற்றத்திற்காக கைது செய்யப்பட்டார்.

இஸ்லாமாபாத்திலுள்ள இந்திய தூதரகத்தில் ஏறக்குறைய 3 ஆண்டு காலம் பணியில் இருந்த இவர், இந்திய அரசு குறித்த முக்கியமான தகவல்களை தான் தொடர்பு வைத்திருந்த பாகிஸ்தானின் ஐஎஸ்ஐ உளவாளியிடம் கொடுத்து வந்தது இந்திய புலனாய்வு அமைப்பான ஐபி-யின் கண்காணிப்பில் தெரியவந்ததாகவும், இதனையடுத்தே அவர் கைது செய்யப்பட்டதாகவும் மத்திய உள்துறை அமைச்சக செயலர் ஜி.கே. பிள்ளை இன்று தெரிவித்தார்.

"ரா" உளவு அமைப்பின் இஸ்லாமாபாத் பிரிவு தலைவராக செயல்பட்டு வந்த ஆர்.கே.ஷர்மா என்ற அதிகாரியிடமிருந்துதான் மாதுரி குப்தா, தகவல்களை பெற்று பாகிஸ்தான் உளவு அமைப்புக்கு கடத்தியுள்ளார்.

இதன் காரணமாக ஷர்மாவும் விசாரணைக்கு உட்படுத்தப்பட்டுள்ளதாகவும், அதே சமயம் அவர் தெரிந்தே தகவல்களை மாதுரி குப்தாவுக்கு கொடுத்து வந்தாரா அல்லது அறியாமல் கொடுத்து வந்தாரா என்பது குறித்து விசாரிக்கப்பட்டு வருவதாகவும் மத்திய உள்துறை அமைச்சக வட்டாரங்கள் தெரிவித்தன.

அந்தமானில் அழிந்த மொழி

2010-04-27T00:54:00.002+05:30

அந்தமானில் அழிந்த மொழியான போ மொழியை கடைசியாக பேசிய போவா ஸ்ர

அந்தமான் தீவுகளின் பாரம்பரிய மொழிகளில் ஒன்றான போ மொழியைப்
பேசிவந்த 85 வயதுடைய போவா ஸ்ர என்ற
பெண், கடந்த வாரம் உயிரிழந்துவிட்டார்.
அவரோடு, அந்த மொழி பேசுவோர் இனி யாரும்
இல்லை என்ற நிலை ஏறபட்டுவிட்டது.

ஐ.பி.எல்.லில் ஊழல்': மோடி இடைநீக்கம்

2010-04-27T00:36:00.008+05:30

'ஐ.பி.எல்.லில் ஊழல்': மோடி இடைநீக்கம்

இந்தியன் பிரிமியர் லீக் கிரிக்கெட்டின் தலைவர் பொறுப்பில் இருந்து வந்த அதன் தோற்றுநர் லலித் மோடி ஊழல் குற்றச்சாட்டுகள் தொடர்பில் இடைநீக்கம் செய்யப்பட்டுள்ளதை அடுத்து இடைக்காலத் தலைவர் ஒருவர்
நியமிக்கப்பட்டுள்ளார்.

மும்பையில் நடந்த மூன்றாம் வருட ஐ.பி.எல். பந்தயத்தின்
இறுதி ஆட்டம் முடிந்த சற்று நேரத்தில் மோடியை இடைநீக்கும்
முடிவு எடுக்கப்பட்டது.

மோடிக்கு எதிராக இருபதுக்கும் அதிகமான குற்றச்சாட்டுகளை
இந்திய கிரிக்கெட் நிர்வாக அதிகாரிகள் முன்வைக்கின்றனர்.

அணிகளை ஏலம் விட்டதில் முறைகேடு, நிதி மோசடி ,
தொலைக்காட்சி ஒளிபரப்பு உரிமங்கள் வழங்கியது தொடர்பில்
எட்டு கோடி டாலர்கள் கட்டணம் பெற்றமை உள்ளிட்ட குற்றச்சாட்டுகள் இதில் அடங்கும்.இது தவிர வருமான வரித்துறை அதிகாரிகள் அவர்
மீது தனிப்பட்ட விசாரணைகளையும் ஆரம்பித்துள்ளனர்.

தான் குற்றமற்றவர் என்று நிரூபிக்க அவருக்கு இரண்டு வாரகால அவகாசம் தரப்பட்டுள்ளது.

லலித் மோடி

இந்திய மக்களின் இருபெரும் மோகங்களான கிரிக்கெட்டையும் சினிமா உலகையும் ஒரு
வகையாகக் கலந்து ரசிகர்களை கவர்ந்து இழுத்துள்ள ஐ.பி.எல். யோசனைக்கு செயல்வடிவம்
கொடுத்தவர் லலித் மோடிதான்.

ஐ.பி.எல்.லின் தலைவராக மரபு வழுவியும், படோடாபத்துடனும், தன்னிச்சையாகவும்
அவர் செயல்பட்ட விதம் பலரை சீண்டிவிடுவதாய் இருந்தது.

லலித் மோடி அளவுக்கதிமான அதிகாரத்துடன் கோலோச்சுகிறார் என இந்தியாவின்
கிரிக்கெட் நிர்வாக அமைப்பான பி.சி.சி.ஐ.யில் சில உறுப்பினர்கள் நினைத்திருந்தனர்.

சஷி தரூர்


	சஷி தரூர்

ஐ.பி.எல்.லில் புதிதாக ஏலம் விடப்பட்ட இரண்டு அணிகளின் உரிமையாளர்கள் பற்றிய விபரத்தை லலித் மோடி வெளியிட்டிருந்தார்.

மத்திய அரசு துணை அமைச்சர் சஷி தரூரின் நண்பி ஒருவருக்கு
ஓர் அணியில் இலவசமாக பங்கு வழங்கப்பட்டுள்ளது எனும்
விதமாக மோடி சுட்டிக்காட்டியிருந்தார்.

இதனை அடுத்து ஐ.பி.எல். மூலம் ஆதாயம் அடைகிறார் என்று
சஷி தரூர் மீது இந்திய நாடாளுமன்றத்தில் எதிர்க்கட்சியினர்
பிரச்சினை செய்திருந்தனர்.இதனால் எழுந்த அழுத்தம் காரணமாக
சஷி தரூர் தனது அமைச்சர் பதவியை ராஜினாமா செய்திருந்தார்.அரசாங்கத்துக்கும்
இவ்விவகாரம் பெரும் சங்கடத்தை ஏற்படுத்தியிருந்தது.

அரசாங்கம் நடவடிக்கை

ஐ.பி.எல். மற்றும் அதன் அணிகளின் நிதி விவகாரங்கள் குறித்து பரந்துபட்ட ஒரு விசாரணைக்கு உத்தரவிடுவதாக அரசாங்கம் பதில் நடவடிக்கையில் இறங்கியுள்ளது.

இந்தியாவின் முக்கிய எதிர்க்கட்சியான பாரதீய ஜனதா பின்னணி கொண்டவராகக் கருதப்படும்
லலித் மோடி மீது தற்போது தீவிரமான விசாரணைகள் நடத்தப்படுகிறன.

லலித் மோடி அனைத்து குற்றச்சாட்டுகளையும் மறுத்துவருகிறார்.

மோடியின் இடைநீக்கத்துக்குப் பின்னர் ஆளும்கட்சிக்கு நெருக்கமானவராக கருதப்படும் சிராயு
அமீன் என்பவர் ஐ.பி.எல்.லின் இடைக்காலத் தலைவராக நியமிக்கப்பட்டுள்ளார்.

என்னாச்சு டி ஏ வி க்கு

2010-04-18T01:57:00.003+05:30

சென்னையில் டி ஏ வி பள்ளிகள் மிகவும் பிரபலம். LKG முதல் 12 ம் வகுப்புவரை எந்த நிலை என்றாலும் அனுமதி ஏன் அப்ப்ளிகேசண் கிடப்பதுக்கூட குதிரை கொம்ம்புதான். முதல் நாள் இரவே போய் படுத்துக் கொள்வோரும் உண்டு . நாங்கள் குஉட எங்கள் அண்ணன் மகள்களுக்காக காலை 4 .30 மணிக்கெல்லாம் போய் நின்றதுண்டு .ஆனால் இந்த வருடம்
கதையே வேற.

என் நண்பன் சிவா அடிக்கடி ஆண் சைட் ன்னு துபாய், குவைத்னு போய்டுவான் . அதனால அவன் மகனுக்கு பள்ளியில சேக்குறதில சிக்கல் ஆயிடுச்சு, அதோட அவன் அண்ணா நகர் ல இருக்கதால , நான் முகப்பேர்ல இருக்கதால யும் டி ஏ வி மெட்ரிக்குலேசன் ல அப்ப்ளிகேசண் கொடுக்குறப்ப சொல்லுடான்னு சொன்னதால 2 மாசமா விசரிசுகிட்டு இருந்து நேத்தும் இன்னைக்கும் (16 , 17 ) தேதிகள்ள தராங்கன்னு தெரிஞ்சதும் மேல சொன்ன கூட்ட மேட்டர நண்பனுக்கு சொல்லி சீக்கிரமா விடிகாலைல வந்துடுடன்னு சொன்னேன் . அவனும் சரி 5 .30 வந்துடுறேன் அப்பிடிண்ணன். நேத்து அவங்க ஆபீஸ்ல எதோ மீட்டிங் அப்பிடின்னு இன்னைக்கு போலாம்னு சொன்னான்.

நேத்தே எங்க அண்ணன் பொண்ண பள்ளிகூடத்துல விடப்போனப்பையே பார்த்தேன் . 40 பேருக்கு மேல இல்ல. என்கூட வேலை பார்க்குற இன்னொரு நண்பர் அவரும் சிவாவும் அவர் பையனுக்காக அப்ப்ளிகேசண் வாங்க காலைல 2 .30 க்கெல்லாம் போனவரு 4 வது ஆளா நின்னாராம் . 40 பேருக்கு மேல இல்லன்னு அவரும் சொன்னாரு.
ஒருவேளை இன்னைக்கு சனிக்கிலமைன்றதால இன்னைக்கு கூட்டம் இருக்கும்னு நெனச்சு போனா 9 மணிக்குகூட நாங்கதான் முதல் ஆளு .

என்னாச்சு டி ஏ வி க்கு..... ஏற்க்கனவே பழைய குவாலிட்டி கல்வித்தரம் இல்லைன்னு சொல்றங்க . இப்ப அப்ப்ளிகேசண் வாங்கவும் ஆளில்லையா? என்னாச்சுன்னு தெரியல்லையே.

தேசியத் தலைவரின் தாயாரை விரட்டியடித்த கருணாநிதியை மன்னிக்குமா தமிழீழம்!!

2010-04-17T23:47:00.002+05:30

பிரபாகரனின் தாயார் தமிழகத்தில் நுழைய அனுமதி மறுப்பு
பழ. நெடுமாறன் கடும் கண்டனம் இலங்கைத் தமிழர் பாதுகாப்பு இயக்க ஒருங்கிணைப்பாளர் பழ. நெடுமாறன் விடுத்துள்ள அறிக்கை:
தமிழீழத் தேசியத் தலைவர் பிரபாகரன் அவர்களைப் பெற்ற தாயார் பார்வதி அம்மையார் உடல் நலம் குன்றிய நிலையில் மருத்துவ சிகிட்சைப் பெறுவதற்காக மலேசியாவில் உள்ள இந்திய தூதுவர் அலுவலகத்தில் முறைப்படி விண்ணப்பித்து ஆறு மாத காலத்திற்கு விசா பெற்று இந்தியாவுக்கு இன்று (16.ஏப்ரல்.2010) இரவு 10:45 மணிக்கு விமானத்தில் வந்தார்.

கூகுலால் நடந்த திருட்டு

2010-04-17T01:35:00.003+05:30

திருட்டுக்கு துணை போவதாக கூகுல் மீது ஒரு புகார் உண்டு.
இப்போது கூகுல் மீண்டும் இத்தகைய புகாருக்கு ஆளாகியிருக்கிற‌து.

இங்கிலாந்தை சேர்ந்த கார்டன் ரேனர் என்பவர் தனது வீட்டில் நட்ந‌த திருட்டுக்கு கூகுலின் ஸ்டிர்ரிவியூ சேவையே காரணம் என்று புகார் கூறியிருக்கிறார்.அதென்ன ஸ்டிர்ரிவுயூ.
பறவை பார்வையாக வீதி காட்சிகளை பார்க்க உதவும் கூகுலின் ஸ்டிரீட்வியூ சேவை சர்ச்சைக்குறியதாகவே இருக்கிற‌து.ஸ்டிரீட்வியூ வழியே பார்த்தால் குறிப்பிட்ட வீதியில் உள்ள வீடு வரை தெளிவாக பார்க்கலாம்.தேடல் சேவையில் மற்றுமொரு அற்புதமாகவே கூகுல் இதனை வழங்கி வருகிற‌து.
ஆனால் இந்த சேவை அந்தரங்கத்தின் மீதான ஊடுருவலாக விமர்சிக்கப்படுகிற‌து.உள்ளங்கை நெல்லிக்கனி போல வீடுகளை புகைப்படமாக பார்க்க முடிவதால் விஷமிகள் இதனை தவறாக பயன்படுத்தும் வாய்ப்பிருப்பதாக அஞ்சப்படுகிற‌து.
இத‌ன் கார‌ண‌மாக‌வே ப‌ல‌ ந‌க‌ர‌ங்க‌ள் இந்த‌ சேவைக்கு எதிர்ப்பு தெரிவித்துள்ள‌ன. கூகுலின் ஸ்டிரீட்வியூ க‌மிரா வாக‌ன‌ம் த‌ங்க‌ள் ந‌க‌ரில் தென்ப‌ட்ட‌வுட‌னேயே போராட்ட‌த்தில் குதித்த‌ ந‌க‌ர‌ங்க‌ள் இருக்கின்ற‌ன‌.
இந்த‌ எதிர்ப்பு கார‌ண‌மாக‌ கூகுல் வீதிகாட்சிகளில் ம‌னித‌ர்களின் முகம் தெரியாம‌ல் ம‌றைத்து விடுகிற‌து.இதனிடையே கூகுல் ஸ்டிர்ரிட்வியூ காட்சியை பார்த்து விட்டு திருட‌ர்க‌ள் த‌ங்க‌ள் இல‌க்கை தேர்வு செய்து க‌ண்ண‌ம் வைப்ப‌தாக‌ புகார்க‌ள் கூற‌ப்ப‌ட்டுள்ள‌ன‌.
இங்கிலாந்தில் இத்த‌கைய‌ ச‌ம்ப‌வ‌ம் ஒன்று ந‌ட‌ந்திருக்கிற‌து.கார்டன் ரேயான் என‌ப‌வ‌ர் த‌ன‌து வீட்டின் காரேஜில் திருட‌ர்க‌ள் கைவ‌ரிசை காட்டிய‌தாக‌வும் இத‌ற்கு கூகுலே கார‌ண‌ம் என்றும் குற்ற‌ஞ்சாட்டியுள்ளார்.
கூகுல் ஸ்டிரீட்வியூ காட்சியில் அவ‌ர‌து வீடு ப‌திவாகியிருக்கிற‌து.அருகே அவ‌ர‌து காரேஜும் ப‌திவாகியுள்ள‌து.அந்த‌ ப‌ட‌த்தில் காரேஜ் க‌த‌வு அப்ப‌டியே திற‌ந்து கிட‌க்கிற‌து.

இந்த காட்சியை பார்த்து விட்டு தான் திருட‌ர்க‌ள் காரேஜுக்கு வ‌ந்து கைவ‌ரிசை காட்டிய‌தாக‌ அவ‌ர் கூறியுள்ளார். கூகுல் க‌த‌வுக‌ள் திற‌ந்து கிட‌ப்ப‌தை ம‌றைத்திருக்க‌ வேண்டும் என்று அவ‌ர் கூறியுள்ளார்.

கூகுல் வ‌ழ‌க்க‌ம் போல‌ இந்த‌ குற்ற‌ச்சாட்டுக்கு பொதுவான‌ ப‌திலை அளித்துள்ளது .வீட்டின் உரிமையாளார்க‌ள் கோரினால் வீட்டின் விவ‌ர‌ங்களை ம‌றைத்து விடுவோம் என்று கூகுல் தெரிவித்துள்ள‌து.
ஆக‌ கூகுல் ஸ்டிர்ரிட்வியூ ச‌ர்ச்சை தொட‌ர்கிற‌து.
நிற்க‌ இந்த‌ சேவையில் எதிர்பாராத சுவ‌ர‌ஸ்யங்க‌ளூம் உண்டு.
மார்க் வெட்கின்ஸ் என்ப‌வ‌ரின் திரும‌ண‌ காட்சி இப்ப‌டி கூகுல் காமிராவில் சிக்கி ஸ்டிர்ரிவியூவில் ப‌திவான‌து.அவ‌ருடைய‌ ந‌ண்ப‌ர் ஒருவ‌ர் பார்த்து விட்டு இது ப‌ற்றி கூறிய‌ போது அட‌ நம்ம‌ க‌ல‌யாண‌ம் கூகுலில் இருக்கிற‌தா என குஷியாகிவிட்டார்.
திரும‌ண நாள் அன்று எடுக்க‌ப்ப‌ட்ட‌ புகைப்ப‌ட‌ம் போல‌ அந்த‌ காட்சி தெளிவாக‌ அமைந்துள்ள‌து.
அந்த‌ காட்சியை அவ‌ர் த‌ன‌து திரும‌ண‌ ஆல்ப‌த்தில் இட‌ம்பெற‌ வைத்திருக்கிறார்.இது எப்ப‌டியிருக்கு.

இ-கலப்பை 3.0 – புதிய பரிமாணம்

2010-04-17T01:28:00.003+05:30

இ-கலப்பை 3.0 பீட்டா – இந்த கருவி மட்டும் இல்லாமல் போயிருந்தால் நிறைய பேர் தமிழில் எழுத வந்திருப்பார்களா என்பது சந்தேகம் தான். இந்த கருவி கொடுத்த சொகுசு, ஆங்கிலமே தட்டச்சி வந்த பல பேருக்கு மிகப்பெரிய வரம். இ-கலப்பை இப்போது அடுத்த பரிமாணத்திற்கு சென்றுள்ளது.
இ-கலப்பை இதுவரை 2.0 ஆம் வெர்சனில் இருந்து 3.0 பீட்டாவிற்கு செல்கின்றது. அதனை தரவிறக்கம் செய்து கொள்ள
http://code.google.com/p/ekalappai/downloads/list

ஜி.எஸ்.எல்.வி - டி3 ராக்கெட் கடலில் விழுந்தது : 420 கோடி இழப்பு

2010-04-17T00:51:00.003+05:30

இந்தியாவிலேயே முற்றிலும் தயாரிக்கப்பட்ட கிரையோஜெனிக்
என்ஜினுடன் வியாழக்கிழமை விண்ணில் ஏவப்பட்ட
ஜி.எஸ்.எல்.வி.-டி3 ராக்கெட், இஸ்ரோவின் கட்டுப்பாட்டை இழந்து
கடலில் விழுந்தது.

"ஜி.எஸ்.எல்.வி. ராக்கெட்டின் கிரையோஜெனிக் என்ஜினில் தீப்பொறி ஏற்பட்டதா, இல்லையா என்பது உறுதியாகத் தெரியவில்லை. ராக்கெட் திசை மாறியதற்கான காரணம் ஓரிரு தினங்களில் கண்டறியப்படும்'' என்று இஸ்ரோ தலைவர் கே.ராதாகிருஷ்ணன் தெரிவித்துள்ளார்.

விண்ணில் ஏவப்பட்ட ஜி.எஸ்.எல்.வி.டி3 ராக்கெட் மற்றும் ஜிசாட்}4 செயற்கைக்கோளின் மொத்த மதிப்பு ரூ.420 கோடியாகும். இதில் ராக்கெட்டின் மதிப்பு மட்டும் ரூ.170 கோடியாகும்.

ராக்கெட் மற்றும் செயற்கைக்கோளின் மொத்த எடை 416 டன்னாகும்.

சுமார் 2,000 விஞ்ஞானிகளின் கூட்டுமுயற்சியில் 18 ஆண்டு கடும் உழைப்பில் கிரையோஜெனிக் என்ஜின் தயாரிக்கப்பட்டது என்பது குறிப்பிடத்தக்கது.

"குறைகளைக் கண்டறிந்து நிவர்த்தி செய்து, உள்நாட்டிலேயே தயாரிக்கப்பட்ட கிரையோஜெனிக் என்ஜினுடன் கூடிய ராக்கெட் ஓராண்டுக்குள் ஏவப்படும்' என்று இஸ்ரோ தலைவர் கே.ராதாகிருஷ்ணன் நம்பிக்கைத் தெரிவித்தார்.

ஸ்ரீஹரிகோட்டாவில் உள்ள சதீஷ் தவாண் விண்வெளி ஆராய்ச்சி மையத்தின் 2}வது ஏவுதளத்தில் இருந்து ஜிசாட்}4 செயற்கைக்கோளுடன், ஜி.எஸ்.எல்.வி.}டி3 ராக்கெட் 29 மணி நேர கவுன்டவுனுக்குப் பிறகு வியாழக்கிழமை மாலை 4.27 மணிக்கு விண்ணில் ஏவப்பட்டது.

ராக்கெட் மஞ்சள் நிறப் புகையை கக்கி கொண்டு விண்ணை நோக்கி சீறிப் பாய்ந்தது.

முற்றிலும் உள்நாட்டிலேயே தயாரிக்கப்பட்ட குளிர்விக்கப்பட்ட "கிரையோஜனிக்' என்ஜின் மூலம் ஜி.எஸ்.எல்.வி - டி3 ராக்கெட் விண்ணில் செலுத்தப்படும் நிகழ்வை உலக நாடுகள் பலவும் கவனித்து வந்தன.

ஏறத்தாழ 1022 விநாடிகளில் ராக்கெட் 36,000 கிலோ மீட்டர் கடந்து, ஜிசாட்-4 செயற்கைக்கோளை புவி வட்ட சுற்றுப் பாதையில் செலுத்தத் திட்டமிடப்பட்டிருந்தது.

ராக்கெட்டின் மொத்த பயண நேரமான 1022 விநாடிகளில், 720 விநாடிகள் கிரையோஜெனிக் என்ஜின் மூலமே ராக்கெட் செலுத்தப்பட இருந்தது.

ராக்கெட் ஏவப்பட்ட சில நொடிகளில் முதல் நிலையை (திட எரிபொருள்) தாண்டியது. அடுத்து இரண்டாவது நிலையையும் (திரவ எரிபொருள்) தாண்டி ராக்கெட் விண்ணில் சென்று கொண்டிருந்தது.

ஒவ்வொரு நிலையையும் ராக்கெட் தாண்டிச் செல்ல, சதீஷ் தவாண் விண்வெளி ஆராய்ச்சி மையத்தின் கட்டுப்பாட்டில் இருந்த விஞ்ஞானிகள் உற்சாகத்துடன் கைதட்டி ஆரவாரம் செய்தபடி இருந்தனர்.

சில நொடிகளில் 2}வது நிலையைத் தாண்டி, குளிர்விக்கப்பட்ட கிரையோஜெனிக் நிலையை ராக்கெட் எட்டியது. கிரையோஜெனிக் நிலைக்குச் சென்றதும் குலுங்கிய ராக்கெட் எதிர்பார்த்த பாதையிலிருந்து விலகியது.

அடுத்த விநாடியே, கட்டுப்பாட்டு அறையில் இருந்த விஞ்ஞானிகள், ராக்கெட்டின் சிக்னலைப் பெற பலவாறு முயன்று தோல்வியுற்றனர்.

சற்று நேரத்தில், இஸ்ரோவின் கட்டுப்பாட்டை இழந்த ஜி.எஸ்.எல்.வி. டி}3 ராக்கெட், கடலில் விழுந்தது.

கட்டுப்பாட்டு அறையில் இருந்த நூற்றுக்கணக்கான விஞ்ஞானிகள் கிரையோஜெனிக் என்ஜின் வெற்றியடையாததால் சோகத்தில் ஆழ்ந்தனர்.

அங்கிருந்த மூத்த விஞ்ஞானிகளில் பலர் இஸ்ரோ தலைவர் கே.ராதாகிருஷ்ணனுக்கு ஆறுதல் கூறியபடி இருந்தனர். கட்டுப்பாட்டு அறையே சோகமயமாக மாறியது.

ஓராண்டுக்குள் அடுத்த ராக்கெட்: பின்னர், கட்டுப்பாட்டு அறையில் இருந்த இஸ்ரோ தலைவர் கே.ராதாகிருஷ்ணன் பேசியது:

ஜி.எஸ்.எல்.வி.}டி3 ராக்கெட் வெற்றிகரமாக விண்ணில் பாய்ந்து சென்றது. முதல்நிலை மற்றும் இரண்டாம் நிலையையும் தாண்டி சென்றது.

விண்ணில் ஏவப்பட்டதிலிருந்து 293 விநாடிகள் சீராகப் பயணித்த ராக்கெட், மூன்றாம் நிலைக்குச் (கிரையோஜெனிக்) சென்றது. அப்போது ராக்கெட் சிறிது குலுங்கி, அதன் பாதையிலிருந்து விலகிச் சென்று கடலில் விழுந்தது. இஸ்ரோவின் கட்டுப்பாட்டையும் அது இழந்தது.

இதில் கிரையோஜெனிக் என்ஜினில் தீப்பொறி ஏற்பட்டதா என்று உறுதியாகத் தெரியவில்லை.

கிரையோஜெனிக் தோல்வி குறித்து 2, 3 நாள்களில் ஆய்வு செய்யப்படும். ஓராண்டுக்குள் மீண்டும் உள்நாட்டிலேயே தயாரிக்கப்பட்ட கிரையோஜெனிக் என்ஜின் பொருத்தப்பட்ட ராக்கெட் செலுத்தப்படும். மீண்டும் சாதிப்போம் என்ற நம்பிக்கை இஸ்ரோவிடம் உள்ளது. மிகவும் சிக்கலான கிரையோஜெனிக் தொழில்நுட்பத்தை கையாண்டுள்ளோம். இத்தொழில்நுட்பத்தில் நாம் பயணிக்க வேண்டியது நீண்ட தொலைவு உள்ளது.

செப்டம்பரில் ஜி.எஸ்.எல்.வி

வரும் செப்டம்பரில் ரஷ்யாவிடம் இருந்து பெறப்பட்ட கிரையோஜெனிக் என்ஜினுடன், ஜி.எஸ்.எல்.வி. ராக்கெட் ஏவப்பட உள்ளது என்றார் அவர்.

Courtesy : Dinamani

"டுவீட்"களை ஆவணப்படுத்த திட்டம்

2010-04-17T00:17:00.002+05:30

டுவிட்டர் சேவை மூலமாக அனுப்பப்படும் கோடிக்கணக்கான குறுந்தகவல்களை ஆவணக் காப்பகத்தில் சேமித்து வைக்க அமெரிக்காவின் காங்கிரஸ் நூலகம் திட்டமிட்டுள்ளது

ஒவ்வொரு தமிழனும் கட்டாயம் படிக்கச் வேண்டிய செய்தி

2010-04-15T23:37:00.004+05:30

ஒவ்வொரு தமிழனும் கட்டாயம் படிக்கச் வேண்டிய செய்தி

சமீபத்தில் அமெரிக்காவின் அலாஸ்கா மாநிலத்தில் "மரியா ஸ்மித் ஜோனெஸ்" என்ற பெண்மணி இறந்து விட்டார். ஒன்பது பிள்ளைகளுக்கு தயான இவர் இறக்கும் போது இவருடைய வயது 89. இவருடைய இறப்பு பலருக்கு துயரத்தை கொடுத்துள்ளது. அவருடைய இழப்பை யாராலுமே ஈடு செய்ய முடியாது என்று சொல்கிறார்கள். பழங்குடி இனத்தை சேர்ந்த மரியா ஸ்மித் அலாஸ்காவில் வாழும் பழங்குடி மக்களின் உரிமைக்காக பல போராட்டங்களை மேற்கொண்டவர்.

ஆனால் அவருடைய இறப்பு யாராலும் ஈடு செய்ய முடியாததாக பார்க்கப்படுவதற்கு காரணம் அது இல்லை. உண்மையான காரணம், மரியா ஸ்மித் போகும் போது ஒரு மொழியையும் தன்னுடனே சேர்த்துக் கொண்டு போய் விட்டார். ஆம், அலாஸ்காவின் பழங்குடி மக்களின் மொழிகளில் ஒன்றான "ஏயக்" என்கின்ற மொழியை பேசத் தெரிந்த உலகின் கடைசி மனிதராக அவர் மட்டும்தன் இருந்தார். அவர் இறந்ததன் பிறகு இன்றைக்கு உலகில் யாருக்குமே அந்த மொழியை பேசத் தெரியாது.

அவர் இறந்த தினத்தொடு உலகில் உள்ள பல மொழிகளில் ஒரு மொழி அழிந்து விட்டது. மரியா ஸ்மித்திற்கு ஒன்பது பிள்ளைகள் இருந்தும், யாருமே "ஏயக்" மொழியை கற்பதற்கு ஆர்வம் காட்டவில்லை. எல்லோரைப் போன்று அவர்களும் ஆங்கிலம் கற்பதும், பேசுவதும்தான் நாகரீகமாதும், தேவையானதும் என்ற கருத்தோடு இருந்து விட்டார்கள். "ஏயக்" மொழியைப் பேசும் கடைசி மனிதராக தான்தான் இருக்கப் போகின்றேன் என்ற விடயம் மரியா ஸ்மித்திற்கு அன்றைக்கு தெரிந்திருந்ததா என்பதும் தெரியவில்லை.

"ஏயக்" மொழி பேசத் தெரிந்த மரியா ஸ்மித்தின் ஒரு சகோதரி 1993இலேயே இறந்து விட்டார். அதன் பிறகு மரியா ஸ்மித்தோடு "ஏயக்" மொழியில் உரையாடுவதற்கு யாருமே இருக்கவில்லை. "ஏயக்" மொழி அழிந்து விடக் கூடாது என்பதற்கு மரியா ஸ்மித் சில நடவடிக்கைகளை மேற்கொண்டார். ஒரு மொழியியல் வல்லுனரின் உதவியோடு "ஏயக்" மொழிக்கான அகராதியையும், இலக்கண நூலையும் தயாரித்தார். இனிமேல் யாராவது இந்த நூல்களின் உதவியோடு ஏயக் மொழியை கற்றுப் பேசினால் மட்டும்தான், அந்த மொழி மீண்டும் உயிர் பெறும். ஏயக் மொழிக்கு மட்டும்தான் இந்த நிலைமை என்று இல்லை. உலகின் பெரும்பாலான மொழிகளின் நிலைமை இதுதான். இரண்டு வாரத்திற்கு ஒரு முறை உலகின் ஏதோ ஒரு மூலையில் ஒரு மொழி அழிவதாக மொழியியல் வல்லுனர்கள் தெரிவிக்கின்றார்கள்.

மரியா ஸ்மித் வாழ்ந்த அலாஸ்காவில் பேசப்படுகின்ற மொழிகளில் மேலும் 20 மொழிகள் விரைவில் அழிந்து விடும் நிலையில் இருக்கின்றன. உலகம் எங்கும் மொழிகள் அழிந்து வரும் வேகம் அதிகரிக்கின்றதே தவிர குறையவில்லை. ஒரு மொழி அழிகின்ற பொழுது ஒரு இனத்தின் பண்பாடு அழிகிறது. இன்னும் சொல்வது என்றால் ஒரு இனமே அழிகிறது. அழிகின்ற மொழிகளில் பெரும்பாலானவை பல ஆயிரம் ஆண்டுகளுக்கு முற்பட்ட மிகப் பழமையான மொழிகள். அந்த மொழிகளுக்குள் மனித குலத்தின் வரலாற்றின் பெரும் பகுதி புதைந்து கிடக்கின்றது. மொழிகளோடு மனித குலத்தின் வரலாற்று உண்மைகளும் அழிந்து போகின்றன. இன்றைக்கு உலகிலே வாழுகின்ற அறுநூறு கோடி மக்களும் மொத்தம் ஆறாயிரம் மொழிகளைப் பேசுகின்றார்கள். நூறு ஆண்டுகளுக்குப் பிறகு இந்த ஆறாயிரம் மொழிகளிலே அறுநூறு மொழிகள் மட்டுமே மிஞ்சியிருக்கும். மிச்சம் ஐந்தாயிரத்து ஐந்நூறு மொழிகளும் அழிந்து விடும். இது மொழியியல் வல்லுனர்களின் தீவிரமான ஒரு எச்சரிக்கை. இன்றைக்கு பேசப்படுகின்ற ஆறாயிரம் மொழிகளில் மூவாயிரம் மொழிகளை ஆயிரத்திற்கும் குறைவானவர்களே பேசுகின்றார்கள். ஏறக்குறைய ஆயிரத்து ஐந்நூறு மொழிகளை நூறு பேர் வரையிலானவர்களே பேசுகிறார்கள். ஐந்நூறு மொழிகளை வெறும் பத்துப் பேர்தான் பேசுகிறார்கள்.

ஒரு மொழி நிலைத்து நிற்பதற்கு ஆகக் குறைந்தது ஒரு இலட்சம் பேராவது அந்த மொழியை பேச வேண்டும் என்பது மொழியியல் வல்லுனர்களின் கருத்து. அந்த வகையில் தமிழ் மொழி தற்போதைக்கு அழியாது என்று நம்பலாம். உலகில் மிக அதிகமானவர்களால் பேசப்படுகின்ற இருபது மொழிகளின் பட்டியலில் தமிழும் இருக்கின்றது. கல்வெட்டில் இருந்து கணணி வரை தமிழ் மொழி பரந்து நிற்கின்றது. ஆனால் ஒரு மொழி அழிவதற்கு தேவையான அனைத்துக் காரணங்களையும் தமிழ் மொழியும் கொண்டுதான் இருக்கின்றது என்பது இதிலே ஒரு அபாயகரமான செய்தி.

ஒரு மொழி அழிவதற்கான முக்கிய காரணங்களாக சில விடயங்கள் சுட்டிக் காட்டப்படுகின்றன. மொழிக்குள் மற்றைய மொழிகளின் ஊடுருவலும் ஆதிக்கமும், வட்டாரப் பேச்சு வழக்குகள் தனி மொழிகளாக கிளர்வது, இளந்தலைமுறை மொழியை கற்கவும் பேசவும் ஆர்வம் அற்று இருப்பது போன்றவை ஒரு மொழி அழிவதற்கு முக்கிய காரணங்கள். வேற்று மொழிகளின் ஊடுருவல் தமிழுக்குள் மித மிஞ்சிப் போய் கிடக்கின்றது.

எத்தனையோ சொற்களை, அவைகள் தமிழ் சொற்களா இல்லையா என்பதை அறிவதே மிகக் கடினமாக இருக்கின்றது. அதே போன்று பல துறைகளில் ஆங்கிலம் போன்ற மொழிகளின் ஆதிக்கம் இருக்கின்றது. வட்டாரப் பேச்சு வழக்கு மொழிகளாக இருந்தவை தனி மொழிகளாக பிரிந்து போனதையும் தமிழ் மொழி சந்தித்திருக்கின்றது. இன்றைக்கு தமிழ் கொண்டிருக்கும் நூற்றுக் கணக்கான வட்டார மொழிகள் நாளை தனி மொழிகளாக மாறி விடாது என்று உறுதியாக நம்புவதற்கு போதுமான காரணங்கள் இல்லை. "பொதுவான தமிழ்" இன்றைக்கு எழுத்தில் மட்டும்தான் இருக்கின்றது. ஆனால் "வட்டார மொழி இலக்கியங்கள்" என்ற பெயரில் வருகின்ற அதிகரித்த படைப்புக்கள் இதற்கும் முடிவு கட்டி விடுமோ என்ற அச்சத்தைக் கொடுக்கின்றது. தமிழ் நாட்டின் சென்னை போன்ற பெரு நகரங்களிலும், புலம் பெயர்ந்த நாடுகளிலும் வாழும் இளந்தலைமுறை தமிழை எவ்வளவு தூரம் பேசுவதற்கும், கற்பதற்கும் ஆர்வம் காட்டுகிறார்கள் என்பது அனைவரும் அறிந்த ஒன்றுதான்.

இன்றைக்கும் தமிழ் மொழி உயிரோடு இருப்பதன் ஒரே ஒரு காரணம், தமிழை பேசுபவர்கள் ஆறு கோடிக்கும் மேற்பட்டவர்களாக இருப்பதுதான். ஐக்கிய நாடுகள் சபையின் அறிக்கை ஒன்றில் முப்பது ஆண்டுகளில் அழியப் போகின்ற மொழிகளில் ஒன்றாக தமிழும் இருப்பதாக செய்தி ஒன்று சில ஆண்டுகளுக்கு முன்பு ஊடகங்களில் வெளிவந்து பரபரப்பை ஏற்படுத்தியது. ஆனால் முப்பது ஆண்டுகளில் எல்லாம் தமிழ் அழிந்து விடாது. முப்பது ஆண்டுகள் என்பது மிகைப்படுத்தப்பட்ட ஒன்று. அதே வேளை நீண்ட காலத்திற்கு நாம் இப்படி இறுமாப்போடு இருக்க முடியாது. பேசுபவர்களின் எண்ணிக்கையில் மட்டும் ஒரு மொழியின் இருப்பு தங்கியிருக்க முடியாது. எண்ணிக்கையும் மாறுபடக் கூடிய ஒன்றுதான். மொழி அழிவதற்கு தேவையான மற்றைய காரணிகளும் தமிழில் இருக்கின்றன. ஆகவே தமிழ் மொழி நீடித்து நிலைக்க வேண்டும் என்ற சிந்தனை ஒவ்வொரு தமிழரின் நெஞ்சிலும் இருந்தால் மட்டும்தான், தமிழ் மொழி நீண்ட காலத்திற்கும் நிலைக்கும். இல்லையென்றால் "அழிந்து போன மொழிகளின் பட்டியலில்" தமிழ் இடம் பெறுவது தவிர்க்க முடியாததாகி விடும். மரியா ஸ்மித் ஜோனிஸின் உடலோடு "ஏயக்" மொழியும் புதைக்கப்பட்டுவிட்ட இந்த நாளில் தமிழர்களைப் பார்த்து சொல்லக் கூடிய செய்தி இதுதான்.

தமிழரோடு தமிழில் பேசுவோம்..
தமிழன் என்று சொல்வோம் ....
தலை நிமிர்ந்து நிற்போம் .......

"தமிழன் இல்லாத நாடில்லை
தமிழனுகென்று ஒரு நாடில்லை..."

மனிதனின் உடலில்

2010-04-14T00:55:00.004+05:30

1. நன்கு வளர்ந்த ஒரு மனிதனின் உடலில் மொத்தம் 206 எலும்புகள் உள்ளன. ஆனால் அவன் குழந்தையாக இருக்கும் போது அவனுடைய உடலில் 300 எலும்புகள் இருக்கும் அவன் வளர வளர அவற்றில் 94 எலும்புகள் மற்ற எலும்புகளுடன் இணைந்து விடுகிறது.

2. நாம் 6 விநாடிக்கு ஒரு முறை கண்களை இமைக்கிறோம். சாதாரணமாக வாழ்நாளில் சுமார் 25 கோடி முறைகள் கண்களை இமைக்கிறோம்.

3. நமக்கு இரண்டு கால்கள், இரண்டு கண்கள், இரண்டு காதுகள், இரண்டு கைகள் இவைகள் ஒரே அளவாக இருப்பதில்லை காரணம் கருவில் சிசு வளரும் போது அதன் உறுப்புகள் ஒரே சீராக வளர்வதில்லை. இந்த மிகச் சிறிய வத்தியாசம் தான் நம்மை அழகுபடுத்திக் காட்டுகிறது.

நம் இடதுகால் செருப்பை விட வலதுகாலின் செருப்பு வேகமாக தேய்வது கூட இந்த சிறு வித்தியாசத்தால் தான்.

4. மனிதன் இறந்தபின் அவனது ஜீரண உறுப்புகள் தொடர்ந்து 24 மணி நேரம் வரை செயல்படுகிறது. அவனது எலும்பு தொடர்ந்து 4 நாட்களை வரை செயல்படுகிறது. தோல் தொடர்ந்து 5 நாட்;கள் வரை பணி செய்கிறது. கண் மற்றும் காது தொடர்ந்து 6 மணி நேரம் பணி செய்கிறது தசைகள் ஒரு மணி நேரம் செயல்படுகிறது. அவனது சிறுநீரகம் தொடர்ந்து 6 மணி நேரம் செயல்படுகிறது. ஆக அவனது ரூஹ் பிரிந்தாலும் அவனது உடல் உறுப்புகளின் செயல்பாடுகள் நிறுத்தப்படவில்லை..

5. 50 நாட்களுக்கு ஒரு முறை மாதவிடாய் ஆகும் பெண்களுக்கு 300 நாட்களில் குழந்தை பிறக்கிறது. 28 நாட்களுக்கு ஒரு முறை மாதவிடாய் ஆகும். பெண்களுக்கு 280 நாட்களில் குழந்தை பிறக்கிறது. இதுதவிர மாதவிடாய் பிரச்சனைகள் உள்ள பெண்களுக்கு குழந்தை பிறப்பும் சற்றுமுன்னாடியே (குறை பிரசவம்) அமைந்து விடுகிறது. பெண்கள் இதுவி~யத்தில் கவனம் கொள்ள வேண்டும்.

6. பகலில் 8 மில்லிமீட்டர் சுறுங்கி இரவில் 8 மில்லி மீட்டர் உயர்ந்து விடுகிறோம். காரணம் பகலில் நமது வேலைகள் செய்யும் போது தண்டு வடத்திலுள்ள குறுத்தெலும்பு வட்டுகள் ஈர்ப்பு விசை காரணமாக அழுத்துகின்றன. இதனால் உயரம் குறைகிறது. இரவில் எவ்வித விறைப்புத்தன்மையும் இல்லாமல் படுத்து உறங்குவதால் நமது உடம்பின் உயரம் கூடுகிறது.

7. நம் இரத்தத்தில்; சிவப்பணுக்களின் ஆயுட்காலம் 127 நாட்கள் தான் அதன் பிறகு அது மடிந்துவிடும். புது சிவப்பணுக்கள் உருவாகும். இரத்தத்தில் வெள்ளை அணுக்களின் ஆயுட்காலம் 120 நாட்கள்.

8. நம் உடலில் சுமார் 20 லட்சம் வியர்வை சுரப்பிகள் இருக்கின்றன. அவை ஒரு நாளில் சராசரியாக 5 லிட்டர் முதல் 6 லிட்டர் வியர்வையை வெளிப்படுத்துகின்றன.

9. நமது கைகளில் நடுவிரலில் நகம் வேகமாகவும், கட்டை விரலில் நகம் மெதுவாகவும் வளர்கின்றன.. நம்முடைய உடல் பாரத்தால் கைவிரல் நகத்தைவிட கால்விரல் நகம் மெதுவாக வளர்கிறது.

10. நாம் இரவில் தூங்கும் போது அசையாமல் தூங்குவதில்லை, சுமார் 40 முறை அந்தப் பக்கம், இந்தப்பக்கமாகப் புரண்டு படுக்கிறோம்.

11. நம்முடைய உடல்தோலின் பருமன் மிகக் குறைந்தபட்சம் ½ மில்லி மீட்டர் கண்ணிமைகளிலும், அதிகபட்சமாகப் பருமன் 4 முதல் 6 மில்லி மீட்டராக உள்ளங்கைகளிலும், அடிப்பாதங்களிலும் அமைந்திருக்கிறது.

12. மூளை அதிகமாக வேலை வாங்கும் மனித உறுப்பு கட்டை விரல்கள்.

13. மனித உடலில் மிகவும் கடினமான பாகம் தாடை எலும்பு.

14. மனிதமுளை 80 முதல் 85 சதவீதம் தண்ணீரைக் கொண்டதாகும்..

15. கல்லீரல் 500 விதமான இயக்கங்களை நிகழ்த்துகிறது.

16. நம் ஒடல் தசைளின் எண்ணிக்கை 630.

17. நம் உடலின் மொத்த எடையில் 12 சதவீதம் பங்கு ரத்தம் உள்ளது.

18. நம் தலைமுடி 1 லட்சத்திலிருந்து இரண்டு லட்சம் வரை உள்ளன. அவை 1 மாதத்திற்குள் 1-1/4 செ.மீ. வளர்கின்றன.

19. மண்டை ஓடு மனினதனின் 80 ஆம் வயது வரை வளர்கிறது.

20. மனித முகங்களை மொத்தம் 520 வகைகளுக்குள் அடக்கிவிடலாம்.

21. மனித நாக்கின் நீளம் 10 செ.மீ.

22. நாம் படுத்திருக்கும் போது 1 நிமிடத்திற்கு 9 லிட்டர் மூச்சுக்காற்றும் உட்கார்ந்திருக்கும் போது 18 லிட்டர் மூச்சுக்காற்றும், நடக்கும் போது 1 நிமிடத்திற்கு 27 லிட்டர் மூச்சுக்காற்றும் தேவைப்படுகிறது.

23. நமது சிறு நீரகத்தில் பத்து லட்சத்திற்கும் மேற்பட்ட வடிகட்டிகள் இருக்கின்றன. இவைகள் ஊறுகாய், உப்புக்கருவாடு, ஆல்கஹால் போன்றவற்றால் பாதிப்படைகிறது. கவனிக்கவும்.

24. பெண்களை விட ஆண்களுக்கு மூளை மிகப்பெரியது. பெண்களை விட சுமார் 4000 உயிரணுக்கள் ஆண்கள் மூளையில் இருக்கிறது.

25. மனித உடலில் மிகப்பெரிய உறுப்பு தோல்.

26. நமது தலையின் எடை 3.175 கிலோகிராம்.

27. மூளையின் 100கோடி நியூரான்கள் நமக்கு 4 வயதுக்குள் கிடைத்துவிடும்.

28. நாம் ஒரு பொருளை இறுக்கிப்பிடிக்க நம்கட்டை விரலிலுள்ள 3 தசைகள் தான் பெரும் பங்கு அளிக்கிறது. மனிதனை ஒத்த உருவம் கொண்ட சிம்பன்ஸி குரங்கிற்கு இந்த 3 தசைகள் கிடையாது.

29. மூளையின் மடிப்புகளே அறிவு கூர்மையை தீர்மானிக்கிறது.

30. மனித உடலில் இருக்கும் இரத்தம் 30 அடி தூரம் வரை பீய்ச்சியடிக்கும்.

31. பிறந்த குழந்தைக்கு வெள்ளை / கறுப்பு நிறங்களை தவிர வேறு நிறவேறுபாடே தெரியாது.

32. மனித உடலின் தோலின் எடை 27 கிலோ கிராம்.

33. மனித உடலில் 33 முள்ளெலும்புகள் உள்ளன.

34. இதயத்தை, சிறுநீரகத்தை, கல்லீரலை, முழங்காலை மாற்றலாம். ஆனால் மூளையை மட்டும் மாற்றவே முடியாது. காரணம் ஞாபங்கள், நினைவுகள், எதிர்காலத்தில் மாற்ற முடிந்தாலும், மாற்றப்பட்டவன் வேற்று மனிதன் தான் அவன் அந்நியன் தான்.

35. கண்கள் உலர்ந்து போகாமலிருக்க இரண்டு வகையான ஈரம் தேவைப்படுகிறது. கண் இமைகள் தான் நம் வைப்பார்கள். அவற்றின் விளிம்பில் 30 சுரப்பிகள் உள்ளன. கண்சிமிட்டும் போதெல்லாம் கண்விழி இவற்றின் மூலம் அலம்புகின்றன. அழுது கண்ணீர் விடும்போது கண் விழிமேல் இருக்கும் சுரப்பிகளிலிருந்து கண்ணீர் சப்ளை ஆகிறது.

36. நமது உடலிலுள்ள செல்கள் பிரிந்து இரண்டாகும் தன்மையுடையது. ஒரு நாளைக்கு நம் உடலில் 60 கோடி செல்கள் இறந்து புது செல்கள் பிறக்கின்றன.

37. தலைமுடி 2 வருஷத்திலிருந்து 4 வருஷம் வரை வளர்கிறது. அதன்பின் 3 மாதம் வளராமல் இருந்து உதிர்கிறது. அப்புறமாக புது கேசம் வளர்கிறது.

38. ஓர் அடி எடுத்து வைக்க உடலெங்கும் 54 தசைகள் பணிபுரிய வேண்டியுள்ளது.

39. 70 வயது வரை வாழும் ஒரு மனிதனின் இதயம் 250 கோடி தடவை துடிக்கிறது. ஒரு பம்பின் செயல்பாட்டிற்கு ஒப்பிட்டால் இதயம் ஒரு நாளைக்கு 18 ஆயிரம் லிட்டர் ரத்தத்தை பம்ப் செய்கிறது. இதயம் சீராக துடிக்க பொறாமை, கெட்ட சிந்தனை இவைகளை விட்டொழித்தால் போதும், உயிர்வாழும் ஆண்டுகள் அதிகரிக்கும்.

40. நமது நரம்பு மண்டலம் தான் மூளைக்குத் தகவல்களை அனுப்புகிறது. அது ஒரு நிமிடத்திற்கு 6 லட்சம் தகவல்களை அனுப்புகிறது.

41. நமது உடலின் நீளமான எலும்பு தொடை எலும்பு தான்.

42. மனிதன் சிந்திக்கும் வேகம் நிமிடத்திற்கு 500 சொற்கள் என்றும் பேசும் வேகம் நிமிடத்திற்கு 100 சொற்கள் என்றும் கணக்கிடப்பட்டுள்ளது.

43. மூளையில் ஏற்படும் வலியை நம்மால் உணரமுடியாது. ஆனால் மற்ற உறுப்புகளின் வலியை உணர்த்துவது மூளையே.

44. பெண்களைவிட ஆண்களுக்கு 40 சதவீதம் கூடுதலாக வியர்க்கிறது.

45. உயிர்வாழ உடலுக்குத் தேவை 13 வைட்டமின்கள்.

46. உடலில் ரத்தம் பாயாத பகுதி கருவிழி மட்டுமே.

47. நம் வாழ்நாளில் 50 டன் உணவுப் பொருளையும் 11 ஆயிரம் காலன் திரவத்தையும் உட்கொள்கிறோம்.

48. நம் உள்ளங்கைகளில் ஒவ்வொரு சதுர அங்குலத்திலும் 3000 வியர்வை சுரப்பிகள் இருக்கின்றன.

49. நம்முடைய தலை ஒரே எலும் பால் உருவானது அல்ல, 22 எலும்புகளில் உருவானதாகும்.

50. மனித உடலில் 50 லட்சம் முடிக் கால்கள் உள்ளதாகவும், பெண்களின் முடியை விட ஆண்களின் முடி வளர்ச்சி விரைவானது என்றும் அறியப்படுகிறது.

51. ஆரோக்கியமான மனிதன் 7 நிமிடங்களில் தூங்கி விடுகின்றான்.

52. மூளையின் கனபரிமாணம் 1500 கன சென்டி மீட்டர்.

53. மனிதன் பயன்படுத்தும் சொல் தொகுதி 5000 முதல் 6000 வார்த்தைகள் தான். சாதாரண மனிதன் முதல் விஞ்ஞானிகள் வரை சராசரியாக இவ்வளவு வார்த்தைகளைத்தான் பயன்படுத்துகிறார்கள்.

54. மனித உடலில் 97,000 இரத்த நாளங்கள் உள்ளன.

55. நம் நகம் தினமும் 0.1 மில்லி மீட்டர் வீதம் வளர்கிறது.

56. நாள் ஒன்றுக்கு நீங்கள் 23,040 தடவை சுவாசிக்கிறீர்கள்.

57. மனிதனின் உடலிலுள்ள குரோமோசோம்களின் எண்ணிக்கை 46 (23 ஜோடி)

58. நாம் பேசக்கூடிய வார்த்தைக்கு 72 தசைகள் வேலை செய்ய வேண்டும். பேச்சை குறைத்தால் சாதனைகளை நிகழ்த்தலாம்.

59. நமது நுரையீரல் 3 லட்சம் துவாரங்களையும் இரத்த குழாய்களையும் கொண்டதாக இருக்கிறது. இவைகளின் நீளம் 2400 கி.மீ. உள்ளது.

60. கண்களில் உள்ள லென்ஸ் ஆயுள் முழுவதும் வளரும்.

61. ஒரு சொட்டு இரத்தத்தில் 55 லட்சம் இரத்த சிவப்பணுக்கள் உள்ளன.

62. முளையின் நிறம் பழுப்பான நீலநிறம்.

63. உடலில் பொட்டாசியம் அளவு 70 சதவீதமாக குறைந்துவிட்டால் அசதி, சோர்வு, வாந்தி, வயிற்றுப் போக்கு ஏற்படும்.

64. ஒரு மனிதன் தினமும் 2 லிட்டர் எச்சிலை ஊறச் செய்கிறான். 1.14லிட்டர் வியர்வை வெளியிடுகிறான்.

65. சிந்தனையின் வேகம் அல்லது ஒரு யோசனையின் தூரம் என்று சொல்லுகிறோம் இந்த தூரம் 150 மைல்களாகும்.

66. ஓர் ஆணின் இதயத்தைவிட பெண்ணின் இதயம் அதிகமாக துடிக்கிறது.

67. மணிக்கட்டிலிருந்து நடுவிரல் நுனிவரை உள்ள நீளமும், மேவாய் கட்டையிலிருந்து நெற்றி உச்சி வரை உள்ள நீளமும் எல்லாருக்கும் சமமாக இருக்கும்.

68. ஒரு முறை வெளியாகும். ஆணின் விந்தில் 30 கோடி உயிரணுக்கள் வரை இருக்குமு;.

69.. உடலில் உண்டாகும் உஷ்ணம் வெளியேறிவிடாமல் தடுக்கவே ரோமம் உள்ளது.

70. இதயத்திலிருந்து புறப்பட்ட இரத்தம் உடல் முழுவதும் ஒரு சுற்று சுற்றி விட்டு மீண்டும் இதயத்திற்குத் திரும்ப எடுத்துக் கொள்ளும் நேரம் 30 செகண்டு ஆகும்.

71. மண்ணீரலில் சுரக்கும் ஒரு வகை நீர் ரத்தத்தில் கலந்து மூளைக்குச் சென்று சிறிய அறைகளைப் பாதிக்கிறது. இதனால் தான் மனிதனுக்கு கோபம் வருகிறது.

72. மனித மூளையில் தாமிரத்தின் அளவு 6கிராம் ஆகும்.

73. ஆட்ரினல் சுரப்பி அளவுக்கு அதிகமாக நீரை சுரக்கத் தொடங்கிவிட்டால் ஆணுக்கு பெண்குணமும், பெண்ணுக்கு ஆண்குணமு; ஏற்படும்.

74. தானாக மூச்சை அடக்கி தனக்குத்தானே மரணம் ஏற்படும்படி செய்ய எவராலும் முடியாது.

75. நம் மூக்கில் வாசனையை நுகரும் செல்கள் 50 லட்சம் உள்ளன. ஆனால் நாயின் மூக்கில் 22கோடி நுகரும் செல்கள் உள்ளன. அதனால் மோப்ப சக்தி அதிகம் காவல் துறையில் வேலை.

76. நம் இதயத்தின் எடை 10 அவுன்ஸ் தான். அவரவர் கைவிரல் 5யையும் பொத்திப் பார்த்தால் என்ன அளவு இருக்குமோ அதே அளவு தான் அவரவர் இதயம் இருக்கும்.

77. நம் நுரையீரலில் உட்புறம் அமைந்துள்ள 'ஆலவியோலி' என்னும் சிறிய காற்று அறைகளின் எண்ணிக்கை மட்டுட் 30 கோடியாகும் புகைப்பிடித்தல் கூடாது.

78. மூளை 65 சதவீதம் கொழுப்பு பொருளால் ஆனது.

79. இரத்தத்தில் 300 கோடி வெள்ளை அணுக்கள் உள்ளன.

80. மனிதனுக்கு 3 வகையான பற்கள் உண்டு.

81. நமது நாக்கில் சுவை உணரும் மொட்டுக்கள் 9000 உள்ளன.

82. நம் ஒவ்வொரு கண்ணிலும் 6 தசைகள் உள்ளன.

83. எலும்புகளின் துணை இன்றி தானே அசையும் தசை. நாக்கு.

84. மனித உடலில் அதிக செல்களால் உருவான பகுதி மூளை, மூளையின் வெளிப்பகுதி மட்டுமே 8 பில்லியன் செல்களால் உருவானது.

85. ஒரு மனிதன் தன் தாழ்நாளில் 23 வருஷம் தூங்குகிறான்.

86. ஒரு பெண் பிறக்கும் போதே அவள் சுமார் 3-½ லட்சம் கரு முட்டைகளோடு தான் பிறக்கிறாள். இந்த முட்டைகளை ஒரு டீஸ்பூனில் 10 லட்சம் நிரப்பலாம்.

87. 70 கிலோ எடையுள்ள மனிதனுக்கு 5600 மில்லிலிட்டர் ரத்தம் உடம்பிலிருக்கும்.

88. பெண்களுக்கு வாழ்நாளில் மாத விடாய் சுமார் 375 முறை ஏற்படுகிறது..

89. இதயம் ஒரு நாளைக்கு சுமார் 1லட்சம் தடவை லப்டப் செய்கிறது.. வரு~த்திற்கு 4கோடி தடவை. உங்க வயசை 4கோடியால் பெருக்கிப் பாருங்கள்.

90. நமது தோலின் பரப்பளவு சுமார் 20 சதுரஅடிகள்.

91. மனித உடலிலுள்ள பாஸ்பரசைக் கொண்டு 20 ஆயிரம் தீக்குச்சிகள் செய்யலாம்.

92. மனித உலின் கார்பனைக் கொண்டு 900 பென்சில்களை உருவாக்கலாம்..

93. மனித உடலிலுள்ள கொழுப்பைக் கொண்டு 7 பார் சோப்புகளை செய்யலாம்.

94. மனித உடலின் இரும்பைக் கொண்டு 2 அங்குல ஆணி ஒன்று செய்யலாம்.

95. மனித உடலில் அதிகமாக காணப்படும் தாதுப்பொருள் கால்சியம்.

96. இரத்தம் சுமார் 97,000 கிலோ மீட்டர் நீளமுள்ள இரத்த நாளங்களிலிருந்து இதன் வழியே நிமிடத்திற்கு 70 தடவை செல்கிறது.

97. உள் வாங்கும் காற்றில் ஆக்ஸிஜன் குறைவாகி கார்பன்டை ஆக்சைடு அதிகமாகிவிட்டால் உபரியாக காற்றை உள்வாங்க கொட்டா...வி விடுகிறோம்.

98. மனிதன் 21 வயது முடிவதோடு உடலின் எல்லா உறுப்புகளின் வளர்ச்சியும் நின்று விடுகிறது. கடைசி தொடர்ந்து வளர்வது காது மட்டும்தான் சின்னதாக.. உங்களால் கண்டுபிடிக்க முடியாத அளவிற்கு வளர்ச்சி.

99. 60 வயது வரை மனிதன் வாழுகின்றான் என்றால் அந்த மனிதன் ஒரு நாளைக்கு 10 நிமிடம் வீணாக்கினால் அவன் ஆயுளில் 5 மாதங்கள் வீணாக்கப்படுவதாக கண்டறியப்பட்டுள்ளது.

சுடும் நிலவு....

2010-01-26T01:36:00.002+05:30

அண்ட வெளியில் ஆவலாய் பறந்தேன்
சட்டென சுட்டது காது.ஏது ஏது ?
என விழைந்தேன்,வியர்த்தேன் !!! வியந்தேன்.
கோடி யோசனை தூரத்திற்க்கும் மேலெ
குடிகொண்டிருப்பதாக சொன்ன சூரியன்
என் அருகில் சுட்டுக்கொண்டு இருந்தான்.

ஆஆஆதவா என் அலறினேன்,ஆச்சர்யமாய் நெருங்கினேன்
குலுங்கி குலுங்கி சிரித்த கோளகன் சொன்னான்.
மடையா!!!! மானிடா!!! உற்றுப்பார் உன் ஊனக்கண்ணால்
நான் ஆதவன் அல்லடா,அம்புலிச் சந்திரன்.
இதென்ன சரசம்.ஏன்உன்னிடம் இத்தனை கொதிப்பு
குளிர்ச்சியானவன் என்று தானெ குடிமக்கள் சொல்கின்றனர்
உம் குடிமக்களால்தான் கொதித்துபோனேன் என்றது சந்திரன்.
நீங்கள் விடும் புகையும், அமிலக்காற்றும்
பூமியை மட்டுமல்லாது என்னையும் சேதப்படுத்துகிறது.

விண்ணிலிருந்து உங்களுக்கு பாதுகாப்பு என்ற
ஓசோன் போர்வயால் உங்களிடமிருந்து நானும்
பாதுகாக்கப்பட்டு இருந்தேன். அதிலும் ஓட்டை
விண்வெளிஆய்வு என்று விண்வாகனங்களினால்
என்னைசுற்றியும் ஒட்டை பத்தாது என்று
என்னில் வாழ ஆசைப்பட்டு விண்கலத்தால்
என்னில் மோதவிட்டு என் மேனியிலும்
உங்கள் சுயநல ஓட்டை.
இத்தனக்குப் பின்னும் நான் எப்படி
குளிர்ச்சியாய் இருப்பேன் என்று
நினைத்தாய் மானிடா????????? என்றது நிலவு
நிதர்சனம் என்னை நிலைகுலைய வைத்தது.

மனிதனின் பேராசை. மண்ணில் வெப்பமாய்
பனிமலைகள் !!! பனிக்கட்டிகள் உருகி, பெருகி
கடல் மட்டம் உயர்ந்து, நம்மோடு இருந்த,
நாம் வசித்த நிலப்பரப்பு
நீருக்குள் போகும் நாள் நம் கண்முன்னே வந்தவுடன்
கூட்டங்கள், கூக்குரல்கள்
அமிலமாய் மழை பெய்யும்,
ஆர்ப்பரிக்கும் ஆழ்கடல்கள்
உள்வாங்கும் நிலப்பரப்பு
ஊழிக்கூத்தாய் கடுபுயல்கள்
மானிடமே வாரீர்
நானிலம் காக்க வாரீர் என
விண்முட்டும் கூவல்கள்.

மரத்தில் எடுத்த செய்தித்தாளூம்,
வெப்பம் உமிழும் செய்திப்பெட்டியும் கூக்குரலிட
கண்டுகொண்ட மனிதன், மீத்தேன்
கசியும் குளிர் பெட்டி கொண்டதை
உண்டு, கரியமிலம் புகையில் ஊர்ந்து வந்து
சொன்னான் ஒரு சேதி,
மாலத்தீவின் மந்திரிசபைக்கூட்டம் கடலுக்கடியிலாம்
நேபாளத்தின் அவதானிக்கூட்டம் இமயமலையிலாம்.

சுட்டனிலவு போய்விட்டது.
பூமி சுட ஆரம்பித்து விட்டது.

உலகத் தமிழர்களின் கவனத்திற்கு...!

2010-01-24T00:26:00.004+05:30

வணக்கம். பல வருடங்களாக இலங்கையில் நடைபெற்றுக் கொண்டிருக்கும் போரின் விளைவுகள் கொடுரமானவை. தமிழர்கள் திரள் திரளாக வெளியேற்றப்படுகின்றனர். அகதிகளில் 60 சதவிகிதம் 14 வயதுக்குட்பட்டவர்கள். நான் உங்களின் கவனத்திற்குக் கொண்டுவர விரும்புவது பெங்களூரில் உள்ள ஒரு பள்ளியைப் பற்றி. The Indira Gandhi International Academy (IGIA) என்ற இந்தப் பள்ளி, 1990 ஆம் ஆண்டு முன்னாள் பிரதமர் திரு.ராஜீவ் காந்தி அவர்களால் ஏற்படுத்தப்பட்டது.

மேலும் வாசிக்க

என்னை மணந்து கொள்வாயா ????"

2010-01-23T01:15:00.008+05:30

சமீபத்தில் படித்த ஒரு ஆங்கில மின் அஞ்சலின் தமிழ் மொழிபெயர்ப்பு.
முயன்றிருக்கிறேன் முடிந்தவரை .

ஆக, நான் முடிவு செய்துவிட்டேன்...
என்னை மணந்து கொள்ளும்படி அவளிடம் கேட்பதென்று..

அல்லது!!! அவள் என்னை மணந்துகொள்வாளா ???? என்று
அல்லது!!! என் வாழ்வின் மிச்சத்தை அவளுடன் செலவளிக்க விரும்புவதாக சொல்வதென!
அல்லது!!! நான் அவளை நேசிப்பதிச்சொல்லி அவள் எப்பொழுதும் என்னுடன் இருக்க விரும்புவதாக.
அல்லது!!! ஒரு மோதிரம் அளிப்பது. பெரிய விலையுயர்ந்த மோதிரம்
அல்லது!!! அவள் முன் மண்டியிட்டு அமர்ந்து, என் உணர்வுகளை என் கண்களால் சொல்வது

முடிவை நெருங்கிவிட்டேன்.
நான் என்ன செய்ய போகின்றேன்.
எதுவும் தெரியது.
இதுவரை எதும் தோன்றவில்லை.
முடிவுசெய்யவில்லை.

இன்றோடு,
நான் முதன்முதலாக
அவளுடன் பேச ஆரம்பித்து
சரியாக ஒருவருடமாகிறது.
நினைவுகள் வருகின்றன்.
நன்றாக நினைவுஇருக்கிறது.
எனெனில்
அந்தநாள், அந்த முதல் சந்திப்பு
ஒரு புதுஆண்டின் துவக்கநாள்
புத்தாண்டு கொண்டாடப்பட்ட நாள்

இதோ..
நாளை அடுத்த புத்தாண்டு..
நாங்கல் நெருங்கிய நண்பர்களாகிவிட்டோம்.
நான் அவளை நேசிக்க தொடங்கிவிட்டேன்
அவளிடம் காதல்வயப்பட்டேன்.
அவளை மணந்துகொள்வது என
ஒரு மனதாய் முடிவுசெய்துவிட்டேன்.

ஆனால்??????????
எப்படி சொல்வது???????..
அதில் சில பல சிக்கல்கள் உள்ளன
சொல்வதற்க்குப் பல வழிகள் இருந்தாலும்
எது சரியான வழி???????/ என்பதில்தான் பிரச்சினை

அவளின் எதிர்வினை என்ன?
அதுவும் தெரியவில்லை
அவசரப்படுகிறேன் என நினைப்பாளோ?
வெகுசீக்கிரமாய் மணம்செய்ய முடிவெடுத்துவிட்டெனோ?
அவளுக்கும் என்னப்போல் ஆர்வமிருக்குமா?

நிச்சயமாய்.
ஒரு சிறந்த வழியில் எனது உணர்வுகளை
அவளுக்கு தெரியப்படுத்துவது.
அதே வழியில் அவளது உணர்வுகளை
கேட்டுப்பெறுவது.
அவள் சம்மத்திதால் அவளை மணப்பத்து
இதுதான் .... சரி

இந்த எண்ணம் என் நெற்றியில் உதித்ததும்
படுக்கையிலிருந்து எழுந்தேன்.
பல்துலக்கிமுடித்த வேலையில்
மணியடித்தது.... தொலைபேசி ஒலித்தது.

ஹலோ...............................???????????
ஹாய்!!!!!!!!!!!!!!!!- அவளேதான்

அவளது உற்சாகமான அழைப்பு என் மூச்சை நிறுத்தியது
"ஹாய்" - அத்கபட்சம் முணுமுணுத்தேன்

உணர்ச்சிகரமாய், உற்சாகமாய் சொன்னாள்
"கவனி".. "இன்று இரவு என் வீட்டில் ஒரு விருந்து"
தர அழைக்கிறேன். நீ நிச்சயமாய் அங்கு
வரவேண்டும். இருக்க வேண்டும்.

"நிச்சயமாய்" பதிலுரைத்தேன்..

சரி, வருகிரென்.. இணைப்பை துண்டித்தாள்.
நிமிட நேரம் உறைந்து நின்றேன்

"சரி" - பின்பு சொன்னேன்.

விருந்திற்க்கு சீக்கிரமாய் செல்லவேண்டும்.
தனிமையில் அவளிடம் சொல்லவேண்டும்.
அல்லது
அனைவருக்கும் முன்பு சொல்வது சரியாக இருக்குமா?
அல்லது
விருந்து முடிந்து அனைவரும் சென்றபின்...

அவளுக்கு நான் என்ன வாங்க போகிறேன்.
எதுவேண்டுமானலும் வாங்கலாம்.
பூக்கள்!!!!!!!!!!!!!!!!!!!!!!!!ரோஜாக்கள்!!!!!!!!!!!!!!!!!
அல்லது ஆபரணங்கள்...
வளையல்கள்..
அல்லது
பூங்கொத்து .... அதுதான் சரி..

என் எண்ணங்களை பரிசீலித்த்தேன்,.
இது புத்தாண்டு. மறக்கமுடியத பரிசாகவேண்டும்.
புத்தகம் தரலாமா?
குறுந்தகடு???????????
தோடுகள்
அல்லது
எதாவது வித்தியாசமாய்.....எனது கலைத்திறனில்.
வேண்டாம்.

நாள்முழுதும் நீண்டநேரம் யோசித்து
பூக்களே சிறந்தது எனும் முடிவாகபோது
பூக்கடைகள் மூடப்பட்டுவிட்டன.
அவளை தனியே செனறு சந்திக்கவும்
நேரமாகிவிட்டது.

விருந்திற்க்கு பின் அவளை சந்திப்பது
என முடிவெடுத்தேன்.
ஒன்றும் வாங்காததற்க்கு
------விட ஒன்றும் சிறப்பாக இல்லை என
யோசித்தேன்.முட்டாள்தனமாய் இருந்தது.

தடுமாற்றமாய், பல உணர்ச்சிகலவையாய்
அவள் வீடு சென்றேன்.
நேரத்திற்க்கு சென்றுவிட்டேன், இருந்தாலும்
வீட்டினுள் ஒர் சப்ததமும் இல்லை.
யாரும் வரவில்லை போலும்.
விருந்திற்க்கு யார் நேரத்தில் வரப்போகிறார்கள்.
நிமிடநேரம் நின்று, ஆசுவாசப்படுத்திக்கொண்டு
கதவைத்தட்டினேன்.

கதவு திறந்தது. அவள்தான்
கண்ணிமைக்கும் நேரத்தில் வெளியெ வந்து
கதவை அடைத்தாள்.
"கண்களி கட்டிக்கொள்" -
அவள் கையில் ஒரு துணி.
"கண்ணாமூச்சி விளையாடப்போகிறோம்" -
என்றாள்

கண்ணை கட்டிக்கொண்ட என்னை அவள்
வழி நடத்திச்சென்றாள்.
எங்கும் ஒரெ அமைதி.
எல்லாம் மூச்சுவிட மறந்து
அமைதியாகிவிட்டாற்களோ? - என் நினைவலைகள்

எனை ஒரு சுற்று சுற்றிய அவள்
நிறுத்தி. சரி கட்டை கழற்று - சொன்னாள்
என்னை வகை கண்ணாமூச்சி இது.
குழப்பத்துடன் கண்ணவிழ்த்து
எதிரில் கண்டவுடன் உறைந்தேன்..திகைத்தேன்.

நின்று கொண்டிருந்தது அவளின் வரவேற்ப்பறையில்
விளக்குகள் அணைக்கப்பட்டு இருளானது
ஒரு டஜன் வண்ண மெழுகுவர்த்திகளால்
ஒளியூட்டப்பட்டிருந்ததது....

எதிரில் சுவரில் ஒரு பதாக சில எழுத்துக்களை
தாங்கி நின்றது....

ஒரு ஆண்டுகளுக்கு முன்னால்
இன்னாளில் நாம் சந்தித்தோம்...

அம்புக்குறி அடுத்த சுவர்றை காட்டியது

ஒரு ஆண்டின் நட்பு
ஒரு ஆண்டின் மகிழ்ச்சி
ஒரு ஆண்டின் சிரிப்பு
ஒரு பெண்ணுக்கும் , பையனுக்கும் இடயேயான
ஒரு ஆண்டின் இணக்கம்
ஒரு ஆண்டின் நெருக்கம்
ஒரு ஆண்டின் அமைதி
முழுதுமாய் மகிழ்ச்சி நிறைந்த நாட்கள்

மூன்றாம் சுவர் சொன்னது..

ஒரு வருடமோ அல்லது ஆறோ
நேற்றைபோல் தோண்றுகிறது...

நான்காம் சுவர் பக்கம் திரும்பினேன்.

அங்கு அவளே நின்றாள்

கையில் ஒரு பதாகையுடன்

பாதகை சொன்னது
"இந்த மகிழ்ச்சி என்றும் வேண்டும்.....
என்னை மணந்து கொள்வாயா ????"

கிரிக்கெட் - கனவான்களின் ஆட்டம்

2010-01-23T00:45:00.004+05:30

" மட்டை விளையாட்டு " என தமிழில் அன்புடன் அழைக்கப்படும் கிரிக்கெட் ஆட்டம்.

நூறு ஆண்டுகலளுக்கும் மேலாக "கனவான்களின் ஆட்டம்"(Gentlemans Game) என அழைக்கப்பட்டு வருகிறது.ஆனால் சில ஆண்டுகளாக , கடந்த தசாப்தத்தில் நடைபெறும் நிகழ்வுகளை வைத்துப்பார்த்தால்அது "கனவான்களின் ஆட்டம்" என்பது "கயவர்களின் ஆட்டம்" என்பதாக மாறிவிட்டது.

சர்வதேச புகழும், அதில் புழங்கும் அபரிதமான பணமும்,விளையாட்டை வியாபாரம் ஆக்கிவிட்டதன் விடையே 90 களில் வெளிப்படையாய் நடைபெற்ற , இப்பொழுதும் இலைமறை, காய்மறையாய் நடக்கும் , ஆட்டத்தின் போக்கையே நிர்ணயிக்கும் சூதாட்டங்கள்சூதாட்டங்கள் போதாது என சமீப காலங்களில் நடக்கும் "மைண்ட் கேம்ஸ் " (mind games) என ஆங்கிலத்தில் அழைக்கப்படும்ஆட்டவீரரை வார்த்தைகளால் தாக்குதல், சில நேரங்களில் அருகில் வந்து உரசுதல் என ஆட்டத்தின் போக்கை மாற்ற முனையும் செயல்கள் அதிகரித்து விட்டது

1994-95 ல் இது போன்று வார்த்தை விளையாட்டு விளையாடிய பாகிஸ்தான் அணியின் அப்போதைய தலைவர் "அமிர் சோஹைலை" இந்திய அணியின் மட்டை வீரர் சித்து அடிக்கப்போனதும், மற்றொரு ஆட்டத்தில் அதிகமாய் பேசிக்கொண்டிருந்த இந்திய அணியின் விக்கெட் கீப்பர் கிரண் மொரே வை பாகிஸ்த்தானின் "மியான் தத்" மொரேயைப்போல் குதித்துக்காட்டியது என பிரசித்தமான பல நிகழ்வுகள் உண்டு.

2000-2010 இந்த பத்தாண்டுகளில் இஅத வார்த்தை விளையாட்டுக்கள் அதிகமாகிவிட்டன.கடந்த 2007ல் ஆஸ்த்திரெலியாவில் இந்திய வீரர் ஹர்பஜன்சிங் சைமண்ட்சை "மங்கி" என அழைத்தார் இது நிறவெறிச்செயல் என ஆஸ்த்திரெலியா அணியினர் குற்றம்சாட்ட, ஹர்பஜன்சிங் அழாத குறையாய் தான் "மா கி" என ஹிந்தியில் சொன்னதாகவும், அதற்க்கு டெண்டுல்கர் சாட்சியளித்து காப்பாற்றியதும் ஊரே நாறியது.

இருந்தாலும் பாடம் கற்காத ஹர்பஜன்சிங் ஐ.பி.எல் தொடரில் சிரிசந்தை அடித்து வெளியேறினார். இந்த சந்தர்பத்தை உபயொகித்த ஆஸ்த்திரெலியா அணித்தலைவர் பாண்டிங் " பார்த்தீங்களா" பார்த்தீங்களா" . நாங்கதான் அப்பவே சொன்னோம்லஎன்று தங்களின் பழைய குற்றச்சாட்டிற்க்கு துணை தேடினார்.

இப்படியெல்லாம் புகழ்பெற்ற இந்த "கனவான்களின் ஆட்டம்" நாளொரு புகாரும், பொழுதொரு கூத்துமாய் சந்திசிரிக்க இதோ அதன் வரிசையில் நேற்று "இந்திய கனவான்களின்" கண்ணியம் , " பள்ளிச்சிறுவன்" என அவர்களால் கேலிசெய்யப்பட்ட வங்காள தேசத்தின் ஒரு சின்னப்பையலால் மீண்டும் அசிங்கப்பட்டது.

வங்காள தேசத்தின் "முஜிபுர் ரகீம்"-2007 உலகக்கோப்பை போட்டியிலேயெ "இந்திய கனவான்களின்" பந்துவீச்சை நாறடித்த பொழுது அவரின் வயது 19. இப்பொழுதோ 21. நேற்றைய போட்டியில் அதிரடியாய் சதம் அடித்து "இந்திய கனவான்களின்" வாய்பேச்சிற்க்கு பதிலடிதந்தார். (இதுதான் இவரின் முதல் சதமும் கூட).

நேற்றைய போட்டியின் பரிசளிப்பு விழாவில் இதுகுறித்து ரஹ்மான் சொன்னது. "இந்திய பந்துவீச்சாளர்கள் என்னை " பள்ளிச்சிறுவன்" என கேலி செய்தனர். அவர்களின் கேலிக்கு என் மட்டையால் பதில் சொன்னேன் என்றவர், இவர்களை விட ஆஸ்த்திரெலியா, தென் ஆப்பிரிக்கா அணியினர் மிகச்சிறந்தவர்கள் என்று அசிங்கப்படுத்தினார். (மற்ற அணிகள் எல்லாம் இது போன்ற வாய்ஜாலத்தில் ஆஸ்த்திரெலியாதான் மோசம் என்று சொல்ல அதைவிட "இந்திய கனவான்கள்" மோசம் என ரகீம் சொல்லியுள்ளார். )
இந்தப் போட்டியில் வெற்றி பெற்ற போதும், அந்த வெற்றியை சற்றே தாமதப்படுத்தியது ரகீமின் சதம்தான் என்பத்தான் அவர்களின் உறுத்தல்.

2007 உலகக்கோப்பை போட்டியில் தோற்றபொழுதும் அந்தப்போட்டியில் சிறப்பாக விளையாடிய இதே ரஹிம், மற்றும் தமிம் இக்பாலை தனது அறைக்கே அழைத்து பாரட்டியதோடு இல்லாமல் தனது மட்டைகளை பரிசாக தந்த ராகுல் டிராவிட் இருக்கும் இதே அணியில்தான் வெற்றி பெற்ற போதும் இறுதிவரை போராடி சதம் அடித்தவரை இழிக்கும் இவர்களும் இருக்கிறார்கள்.

ராகுல் டிராவிட், டெண்டுல்கர் போன்ற மூத்தவீரர்கள் இது போன்ற சில்லறை விளையாட்டில் இறங்குவதில்லை என்பதுதான் இப்போதைய ஆறுதல்.

தலைவர் பிரபாகரன் உடல் என்று காட்டப்பட்டது கொல்லப்பட்ட சிங்கள வீரர் ஒருவருடயது ????

2010-01-23T00:27:00.002+05:30

தலைவர் பிரபாகரன் உடல் என்று காட்டப்பட்டது கொல்லப்பட்ட சிங்கள வீரர் ஒருவருடயது ????

ஈழத்தின் பகுதிகளை கைப்பற்றிய இலங்கை ராணுவத்தின் வெற்றியை விளக்குவதற்காக எடுக்கப்பட்டு இலங்கை ஊடகத்தில் ஒளிபரப்பான இந்தக் காணொளியில் இருக்கும் ஒரு குறிப்பிட்ட தொப்பி அணிந்த இலங்கை இராணுவ வீரரை மட்டும் உற்று நோக்குங்கள்.. இலங்கை இராணுவமும் அரசும் தலைவரின் உடல் என்று காட்டிய உருவத்துடன் இவர் பொருந்துகிறாரா இல்லையா?? என்பதை சிந்திக்கவே இந்தக் காணொளி

http://sangamamlive.in/index.php?/component/option,com_seyret/task,videodirectlink/Itemid,64/id,118/

சாலச் சிறந்த ஆதாரமாக பிரபாகரனே கண்முன் தோன்றுவார்! – ச. தமிழ்மாறன்

2010-01-22T23:53:00.006+05:30

பிரபாகரனே ஆதாரமாக கண்முன் தோன்றுவார்! – ச. தமிழ்மாறன்

தமிழீழ விடுதலைப் புலிகளின் தலைவர் பிரபாகரன் உயிருடன், பாதுகாப்பாக இருப்பதற்கு எத்தனையோ ஆதாரங்கள் உள்ளன. ஆனால் அவற்றை காட்டுவது பொருத்தமற்றது. அனைத்துக்கும் மேல் பிரபாகரனே ஆதாரமாகக் கண்முன் தோன்றுவார் வெகு விரைவில், என புலிகளின் செய்தித் தொடர்பாளர் ச தமிழ்மாறன் அறிவித்துள்ளார்.
பிரபாகரனே ஆதாரமாக கண்முன் தோன்றுவார்! – ச. தமிழ்மாறன்

http://sangamamlive.in/index.php?/content/view/6814/31/

ஜக்குபாய் - ரஜினி,கமல் பேச்சு

2010-01-17T01:16:00.006+05:30

சரத்குமார் நடித்த ஜக்குபாய் படம் தியேட்டர்களில் வெளிவருவதற்கு முன்பே புத்தாண்டு அன்று இன்டர்நெட்டில் வந்துவிட்டது. பல இடங்களில் அது டிவிடி வடிவிலும் விற்கப்பட்டது.சரத்குமாரும் அவர் மனைவியும் முதல்வரிடம் முறையிட, அவரது உத்தரவின்பேரில், ஒரு இணையதள உரிமையாளர் கோவையில் கைது செய்யப்பட்டார். டிவிடி விற்றவர்கள் கைது செய்யப்பட்டனர். டிவிடி விற்றவர்களில் ஒருவர் போலீஸ் மிரட்டலுக்கு பயந்து தற்கொலை செய்து கொண்டார் நேற்று.

இந்த நிலையில் ஜக்குபாய் படத்தை வெளியிட்டவர்கள் மீது நடவடிக்கை எடுக்க வேண்டும், புதுப்படங்களுக்கு இப்படிப்பட்ட நிலை இனி வரக்கூடாது என்பதை வலியுறுத்த சென்னை ஃபோர் பிரேம்ஸ் திரையரங்கில் அவசர பிரஸ் மீட்டுக்கு அழைப்பு விடுத்திருந்தனர்.

இதில் யாரும் எதிர்பாராத வண்ணம், சூப்பர் ஸ்டார் ரஜினி பங்கேற்றார். கமல்ஹாஸனும் மற்ற திரையுலகப் பிரமுகர்களும் கூட வந்திருந்தனர்.

இந்த பிரஸ் மீட்டில் எல்லோரும் சம்பிரதாயமாக திருட்டு விசிடி பற்றி பேசிக் கொண்டிருக்க, ரஜினியைப் பேச அழைத்தனர். பத்திரிகையாளர்கள் அனைவரும் பாராட்டும் விதத்தில் அசத்தலாக, நடைமுறை எதார்த்தத்தை பளிச்சென்று அனைவருக்கும் புரிய வைக்கும் வகையில் அமைந்திருந்தது அவரது பேச்சு.அவ்வளவு ஏன்… திருப்பி ஒருவரும் கேள்வி கேட்கக் கூட இடமின்றி கச்சிதமாக பேசி முடித்தார் ரஜினி.

இதோ அவரது முழுமையான உரை:
பேச்சின் ஓளிநாட பார்க்க http://www.youtube.com/watch?v=7PzlcNkzU1g

அனைவருக்கும் வணக்கம். முதல்ல இந்த பிரஸ் மீட்டுக்கு வரணும்னு சரத்தும் ராதிகாவும் நேத்திலிருந்து என்னைக் கூப்பிட்டுக்கிட்டே இருந்தாங்க. இது ஒரு பிரஸ் மீட். அங்க நாம போகணுமா.. என்றுதான் முதலில் யோசித்தேன். நான் முதல்லேயே சரத்குமார் கிட்டே கேட்டேன்.. நாம என்ன சொல்லப் போறோம்… என்ன செய்யணும். இந்தப் பிரச்சினைக்கு சால்வேஷன் என்னன்னு.திரையுலக ஒற்றுமையைக் காட்ட நீங்க வருவது அவசியம். ரசிகர்களோட ஆதரவு வேணும்னாங்க. அதான் வந்தேன்.

பொதுவா படம் நல்லா இல்லாத படத்தை பத்தி யார் சொன்னாலும் ரசிகர்கள் பாக்க மாட்டாங்க. அதே மாதிரி நல்லா இல்லாத படத்தைப் பத்தி பத்திரிகையாளர்களும் நல்லவிதமா எழுதமாட்டாங்க… எழுதவும் கூடாது!

ஏன்னா… ஓவர்கான்பிடன்ஸா, ஃபால்ஸா, இல்லாத ஒண்ணை இருக்கிறதா கற்பனை பண்ணிக்கிட்டு நாமலா ஒண்ணை நினைச்சிக்கிட்டு பேசக் கூடாது. அது தப்பு.
இந்த ஜக்குபாய் திருட்டு விசிடி பத்தி நிறைய பேசினாங்க. தப்பு எங்க ஆரம்பிக்குது? எங்க நடக்குது? இதைக் கட்டுப்படுத்த என்ன சட்டம் கொண்டு வரணும்? என்ன நடவடிக்கை எடுக்கணும்.. என்பதையெல்லாம் அப்புறமா பார்ப்போம்.
அதுக்கு முன்னாடி சரத்துக்கும் ராதிகாவுக்கும் நான் ஒண்ணு சொல்லிக்கிறேன். கமல் சொன்ன மாதிரி… முதல்ல படத்தை ரிலீஸ் பண்ணிடுங்க!

இந்தப் படத்தை ரிலீஸ் பண்ண உங்களுக்கு இதைவிட நல்ல வாய்ப்பு இல்லை. நீங்க பத்துகோடி கொடுத்து விளம்பரம் பண்ணியிருந்தா கூட கிடைக்காத அளவு பப்ளிசிட்டி இப்போ பிரஸ் உங்களுக்கு குடுத்திருக்கு. இதை யூஸ் பண்ணிக்கங்க. முதல்ல ரிலீஸ் பண்ணிடுங்க. இன்னொன்னு, இந்தக் கதையப் பத்தி எனக்கு நல்லா தெரியும். இது நான் நடிக்கிறதா இருந்த படம்.

ஆனா ஜக்குபாய்னு இந்த டைட்டில் வச்சது சரியில்ல… அதுல ஏதோ மிஸ்டேக் இருக்கு. எனக்கு எப்பவும் இப்படி ஆனதில்ல. அதனால இந்தப் படத்தை நான் அறிவிச்ச பிறகு மூணு மாசமா ஒரு இன்ச் கூட மூவ் ஆகல. சரி வேண்டாம்னு சொல்லிட்டேன்.
கொஞ்ச நாள் கழிச்சி, இதுமாதிரி, நான் சரத்தை வச்சி ஜக்குபாய் ஆரம்பிக்கிறேன்னு ரவிக்குமார் சொன்னார். நானும் சரின்னு விட்டுட்டேன். ஏன்னா எனக்குதான் அது சரியா வரல. சரத்குமாருக்கு சரியா அமையலாம் இல்லையா… அப்பவும் இந்த ஜக்குபாய் டைட்டிலே ஏன் வைக்கிறீங்கன்னு கேட்டேன். அதுக்கு இது ஏற்கெனவே பாப்புலரா இருக்கு, நீங்க வெச்சதால. அதனால யூஸ் பண்ணிக்கிறோம்னு சொன்னாங்க. சரின்னுட்டேன்.

இந்தக் கதை வசாபின்னு ஒரு ஃரெஞ்ச் படம்.. இந்தக் கதையில வர்ற ஒரு சீக்வென்ஸ் அவ்வளவு அழகா இருக்கும். இதுல ஜக்குபாய் ஒரிஜினல் கதையைக் கூட விட்டுட்டு, இதை டெவலப் பண்ணி இன்டியனைஸா எடுக்கலாம்… அல்லது அப்படியே எடுத்தாலும் நல்லா இருக்கும். ஆனா ரைட்ஸ் வாங்கிடலாம்னு சொன்னேன்.

ஆனா இந்தக் கதை நல்லா இருக்கும். இதுல, வர்ற கேரக்டர் அலெக்ஸ் பாண்டியனை விட பத்துமடங்கு பவர்புல்லானது. ஓய்வு பெற்ற அந்தக் கேரக்டருக்கு வயசான பிறகுதான், தனக்கொரு மகள் வெளிநாட்ல கோடீஸ்வரியா இருக்கிறது தெரிய வருது. கூடவே, அந்தப் பெண்ணை கொலை பண்ண சிலர் துரத்துவதும் தெரிய வருது.ஏன் இப்படி துரத்துறாங்க, எப்படி அதிலிருந்து தப்பிச்சு பெண்ணை இந்தியாவுக்கு கூட்டிட்டு வர்றார் ஹீரோங்கிறதுதான் கதை. சூப்பர் சப்ஜெக்ட்.

இன்னொன்னு இந்தப் படத்துல நான் வயசான கெட்டப்ல வர்ற மாதிரி இருக்கும். நான் ஏற்கெனவே ஓல்டு மேன் (சிரிப்பு). படத்திலயும் வயசான கெட்டப்பான்னு… (அரங்கில் சிரிப்பலை) விட்டுட்டேன். ஆனா கதை அருமையா இருக்கும். அதனால வெற்றி பெறும். அந்த அளவு பப்ளிசிட்டி கிடைச்சிருக்கு உங்களுக்கு. அதனால இப்பவே படத்தை ரிலீஸ் பண்ணிடுங்க. சக்ஸஸ் ஆகிடும். ரசிகர்களை இந்தப் படத்தை பாருங்கன்னு சொல்றது சரியில்லை… நல்லாருக்காது. படம் வெளியாகட்டும். நல்லாருந்தா அவங்களே பாப்பாங்க.

இந்தப் பிரச்சினை எங்கிருந்து வந்தது? எல்லாம் நம்மாளுங்கதான். இங்க இருக்கிற யாரோதான் இந்த வேலைய செய்றாங்க. அதுக்கு மக்களை ஏன் பிளேம் பண்ணனும்? அவங்களை ஏன் அடிக்க சொல்லணும்?

அதனால திருட்டு விசிடி தடுப்பது எப்படின்னு நமக்குள்ள கூடிப் பேசணும். அதுக்கு பிரஸ்ஸை கூப்பிட்டு என்ன பண்ணப் போறீங்க? எல்லாவற்றையும் ஆலோசனை செய்து தெளிவா முடிச்சிட்டு பிரஸ்ஸுக்கு சொல்லணும்.

இதையும் நீங்க யோசிக்கணும்.

அடுத்து இங்க சிலர் பேசும்போது ரசிகர்களுக்கு காசு கொடுத்து, திருட்டு விசிடி விக்கிறவங்களை அடிக்கச் சொல்லலாம்னு யோசனை சொன்னாங்க.

அது தப்பு… லா அண்ட் ஆர்டரை மீறும் செயல். இன்னொன்னு ரசிகர்களை தப்பா யூஸ் பண்ணக் கூடாது.

தியேட்டர்லருந்து பிரிண்ட் வெளியில போகுதுன்னு தெரிஞ்சா அந்த தியேட்டரை தடை பண்ணுங்க. படம் குடுக்காதீங்க

ஒரு லேப்லருந்து வெளியில போதுன்னு தெரியுதா… அந்த லேப்பை நிப்பாட்டுங்க. எபெக்ட்ஸிலிருந்து போகுதா… அதையும் கட் பண்ணுங்க. குளோஸ்! சும்மா யாராவது ஒருத்தர் மேல பழிபோடக் கூடாது. ஸோ நமக்குள்ள ஒத்துமை வேணும். நாமளே இதைச் சரி பண்ணனும்.

எல்லாமே கவர்ன்மெண்ட்தான் செய்யணும்னு எதிர்பார்க்கிறது முட்டாள்தனம். முச்சந்தியில ஒரு பொருளை வச்சிட்டு முதல்வர் காப்பாத்தணும்னு சொல்றது சரியில்ல.

தமிழக முதல்வர் சினிமாவுக்காக நிறைய செய்துவிட்டார். சும்மா சும்மா அவரையும் தொந்தரவு செய்யக்கூடாது.
அப்புறம் இங்க சேரனும் கமலும் ஒரு விஷயம் சொன்னாங்க. ‘எங்களுக்கு சினிமாவை தவிர எதுவும் தெரியாது. இதைவிட்டுட்டு நாங்க எங்க போவோம்னெல்லாம்’ சொன்னாங்க ஒருவேளை நான் முன்ன கண்டக்டரா இருந்ததால, திரும்பவும் கண்டக்டர் வேலைக்கே போயிடுவேன்னு நினைச்சிட்டாங்க. இப்ப வயசாயிடுச்சி… அந்த வேலைக்குக் கூட போக முடியாது. எனக்கும் சினிமாதான்… ஹாஹாஹா…!” என்றார் பலத்த சிரிப்பொலிக்கிடையே!

திருட்டு விசிடி பணம் தீவிரவாதத்துக்குதான் போகுது! – கமல்

திருட்டு விசிடி வாங்குவதற்கு மக்கள் கொடுக்கும் பணம் நல்ல வழியில் செலவழிக்கப்படுவதில்லை. மும்பை குண்டு வெடிப்பு போன்ற தீவிரவாதத்துக்குதான் அது பயன்படுகிறது என்றார் கமல் ஹாஸன்.
ஜக்குபாய் இன்டர் நெட்டில் வெளியான விவகாரம், திருட்டு டிவிடி விற்பனை குறித்த ஆலோசனைக் கூட்டத்தில் பங்கேற்ற அவர் பேசியது:

“இது, இழவு வீடு என்று சொல்வதை ஒத்துக்கொள்ள மாட்டேன். நான் கெஞ்சி கேட்பது, எவ்வளவு சீக்கிரம் முடியுமோ அவ்வளவு சீக்கிரம் ‘ஜக்குபாய்’ படத்தை தியேட்டருக்கு கொண்டுவந்து விடுங்கள். ‘விக்ரம்’ படம் எடுத்தபோது இதே போன்ற அனுபவம் எனக்கும் ஏற்பட்டது.
எம்.ஜி.ஆரிடம் போய் அழுதுகொண்டே சொன்னேன். என்ன செய்யவேண்டும்? திருடனைப் பிடித்து உள்ளே போடட்டுமா? என்று கேட்டார். அதன்படியே அவரும் அவனை உள்ளே பிடித்துப் போட்டார். அடுத்த நாளே அந்த திருடன் வெளியே வந்துவிட்டான்.

உண்மையிலேயே வி.சி.டி. திருடர்களை திருத்த முடியாது. சாராயக்கடைகள் திறந்திருந்தபோதும், கள்ளச்சாராயம் குடித்து பலர் செத்துப்போனதை நாம் பார்த்திருக்கிறோம்.

குறைந்த விலையில் வி.சி.டியிலும், டி.வி.டி.யிலும் படம் பார்ப்பதை மக்கள் சந்தோஷமாக நினைக்கிறார்கள். அதைத் திருத்த முடியாது.
‘ஹேராம்’ சி.டி. பர்மா பஜாரில் விற்கப்பட்டது எல்லோருக்கும் தெரியும். இதுபோன்ற சட்டவிரோதமான செயல்கள் எல்லாம், கறுப்பு பணத்தில் இருந்து வருவதுதான்.

திருட்டு வி.சி.டி. மூலம் கிடைக்கும் பணம் எல்லாம் நல்ல விஷயத்துக்குப் போவதில்லை. மும்பை குண்டு வெடிப்பு போன்ற சம்பவங்களுக்கு பயன்படுத்தப்படுகின்றன. இதை நாம் மக்களுக்கு எடுத்துச் சொல்ல வேண்டும்.

திருட்டு வி.சி.டி. பணம் எல்லாம் தேச துரோகத்துக்கு பயன்படுத்தப்படுகிறது என்பதை மக்களுக்கு புரியவைக்க வேண்டும். நீங்க கொடுக்கிற பணம் உங்க தலையிலயே குண்டா விழுதுன்னு புரிய வைக்கணும்.

இப்போதைக்கு என்ன செய்வது? என்ற முடிவை மட்டும் எடுக்காமல், எதிர்காலத்திலும் இதுபோன்ற சம்பவங்கள் நடைபெறாமல் இருக்க என்ன முடிவு எடுக்க வேண்டும் என்று யோசிக்க வேண்டும்.
இனி நம் சட்டதிட்டங்களை அழுத்தம் திருத்தமாக போடவேண்டும். சட்டத்தில் நிறைய ஓட்டை இருக்கிறது. அதை அடைக்க வேண்டும். தப்பு செய்வதற்கு வழிவகுத்து கொடுக்கக்கூடாது…,” என்றார்.
இந்த பிரஸ்மீட்டை ஏற்பாடு செய்த சரத்தும் ராதிகாவும் செய்தியாளர்களிடம் அழுதபடியே பேசிக் கொண்டிருந்தனர். அடிக்கடி ‘சினிமாவை அழிச்சிடாதீங்க’ என்றும் கேட்டுக் கொண்டனர்.